Gitu
Gitu/ Witu/ Gitu(山枇杷)
[smmalu patas | ida npatas sspgan ka smmalu patas]Mheru lmiqu gitu nii ma ini hari phmai ita Seediq, ado so paru buuc na, kika uka uuqun ka hei na.
Mhada ka hei na rbagan, mgsama ma hreyan uban runge ka bobo rehak na, ani so uka hari uuqun ka hei na. Kiya meniq lmiqu rudan ta ini daha hari uuqi, wano ba qbheni ma camac ka meyah mekan riyung.
Paru waso na gitu, msdheriq ma mknedux duri. Qhuni saadux ka gitu nii, kika ngalun rudan ta cbeyu, slmeyan daha qqeya riduy na kagun, riduy na parih, seru tkanan macu ma, qqeya sttinun mqedil so kikuc, bgiya, brexun, dgsaan.
Rudan ta cbeyo ge, slmeyan daha qqeya qqpahun, qqeya ttinun mqedil ma pthuun puniq ka gitu nii. Seediq hndure de, slmeun daha geluq hei gitu, niqan skmalu mdengu gelu ma sqheyan duri mesa.