Gaya quri mhuqil
Gaya quri mhuqil (喪禮規則)
Kguun mnarux dalih empstuq do asi ka niqan kmlawa (ini tduwa mqdunuq). mstuq do asi ka prihan ka qbulit rqda, pspingan,ssapaw qabang ni ptleengun lmabu.(saw nniqan nbuyas bubu),embulang ka snaw ni kmari truma srakaw rbngun hiya ni pqriun ryaxan hidaw ka dqras seejiq,wada mhuqil madas dxgal,qbulit ni hnalig wada skeungat ka kmnari ni saan qmada gaga niqan kuring, smku seejiq wada mhuqil o asi ka jiyax hnqilan na siida.ini gsqii peeniq sapah. nasi wada mqdunuq o hcian malax ka sapah ni musa marah smalu isil, paah 3 hiyi ka mhuqil do spbiyi rmbung ngangut ka kiya da,iyax mnbasi ka kuyuh na o mk3～mk5. rudan na ni snaw o 1 idas. msangay 1 iyax sngayan ini qeepah,paah 8～15 jiyax o musa ngangut mlawa hangan wada skungat, pririh tahut ini ekan hiyi ni cimu, ini pbgay tahut txaun, ini pksiyuk uqun ni ghak 1 hngkawas, ini usa maduk 1 idas, ini psping jiyax smiyan o thciun bukuy 1 idas.
pnyahan kari
[smmalu patas | ida npatas sspgan ka smmalu patas]Yudaw Pisaw 2001