Gaya mhuma kegui

Knttu ku mprngaw ndaan smkri ka yaku. Mnchaya rmngaw ka rudan ta cbiyaw, iya ekan paric rodux mi papak rodux. Mnkan su papak rodux, kiya  ini kdakil ka nhuma su kri. Kiya mi, nasi su mnkan paric rodux, naqah bay qtaan ka hnyuwan su tminun,  tminun ciida ka laqi qridil, naqah qtaan mridil ka bawa na. Kiya ka kiya mi rmngaw ka lqlaqi knxalan saya : “kiya balay pnyahan ini pkan paric rodux mi papak rodux  ka tama mi bubu ,  yasa malu uqun ka dhiya.”

Niqan uri, cuxal pa, kngkingal dlqlaqi niqan hndayu tpuk uxay uri u kulu sama ngalun dha pngerah. Hmanguc rodux ciida, psuun malu hiyi rodux ka kngngal sediq, kiya mi ccka pngrah lqlaqi, uka balay papak rodux mi paric rodux. Adaw  miicu dlqlaqi mkan papak rodux mi paric rodux ka tama mi bubu.

Uka kulu huda ka sediq cbiyaw, kiya saw mntna srngaw Awi Walis soni:“ndhiya nngalan na nanaq psaan sduduy rawa ka ndhiya, psaun na sduman baraw, nnisu na  nanaq sun dha “nsuraw”, uxay ntaxa kiya, ini mhmti mkan mi mangal ka nsediq, wana su naq mkan nisi nanaq, ini mhmuc umowuy, ima ka mhmuc mangal daw, wada smliq waya kiya da”.

Patas pnyahan: srngaw quwaq pnsltudan quwaq pnsltudan ndaan waya Sediq11-Teymi Nawip.233-235