Gaya Mdkrang

Pnyahan Wikipidiya

Gaya Mdkrang (出草習俗)[smmalu patas | ida npatas sspgan ka smmalu patas]

Pusu na seusa dha mdkrang ka rudan Truku sbiyaw o saw nii, smiyuk pkpeysan rudan, hnici kari rudan asi ka daan, kksnaw balay tteumal qmpringan dembrax, pptas pnglux dsaw nii.Pnrungan kari paah snhnganan taxa ,msneiying bais stmaaun, lmiwaq mnarux meeru, aji ksbaun ka tnukuy aangal lala uqun, uda hakaw utux babaw mhuqil. Asi ka mthbaraw musa ka kana, kiya ka kiya ni taxa bi hiyi duma, mdudul o mrhug alang, aji uri o mduuy qsiya alang hiya, psramal-mdakarmseusa, marah tahut. Kiya ka tmikan ni hmlama dsun, musa bbuyu mspi ni psisil mn3, malu o musa, naqij o embrinah sapah, muda mkrabi elug siida o “prgnabaw” mgrbu kjiyax, pdalih peysan do hciyun biyi ka 1 risaw ni smkagul empskeuruy, nii o asi ka mnangal tunux pais,mlukus “srbuxan”, bsqaran puniq, buun buji, btaqan smbrangan ka pais, snagan ayug ka luqi ni psaun “tneetu” ka tunux seapa risaw, mneelug muyas mkleelug “hmdhik” ni msqar puniq quri alang, pxal o 1 tunux, mn3 o 3tunux pais nangal, ini dhuq alang ka dhiya na o saan pstru plukus “srbuxan” kulaw elug ka mnangal tunux. Dhuq alang o saw nii, dalih alang do mneelug mqaras meuyas mkleelug ka mnsa mdkrang, dhuq alang do skuwak babaw mnarux seejiq ka pucing dnuuy mdkrang mnangal pais do malu ka mnarux, dsun sapah mnangal tunux ni qdalan egaw ni siyang ni hlama ni srgrig mqaras 1 rabi, saw saman do dsun dha sapah dmnudul sapah mrhug alang, aji uri o mduuy qsiya, saw saman duri o pdaun peekan siyang ni kpaun mimah sinaw mnsa mdkrang, babaw na do saun pgska pttama paga kana quluh tunux smudal ni psrgan sirug tneetu gamil kdang, phiyug brqiya snalu browling ka alang nii ni smapuh smagi, “mnuda brax nami ni nii su dhuq alang nami ka isu, ida bi yaa naqih kuxul kana ka sapah su. saw nii dhuq su mkan lala bi uqun ka isu ni mqaras su, kiya do sai mlawa kana ka sapah su ni adas hini” sun dha, yaa bi 5 bitaq 6 jiyax ka qrasan.

Nasi wada ngalun pais ka duma tnexalan dha ga, ana mangal tunux pais ka dhiya o hciyun dha qmada elug ka tunux pais. ini asi tmay alang ni keeman lmhlah lukus embulang ni sngk1 ini squwaq mtmay alang, dhuq rhngun sapah do smbu btunux rhngun ni tmutuy seejiq, ini squwaq mtmay sapah. Pucing nadas dha o ini jiyi paah siida, seejiq tnkari muwsa mdkrang nii o asi ka smahug mgay sapah seejiq wada mhuqil nii, limuk, gukung, pucing, puniq, pupu saw nii ka qngqaya o aji ngalun sapah wada mhuqil, saun qmada pskringan, duri ni mangal babuy ka mrhug alang ni dsun na bbuyu tmeetu. rhgun na ka tneetu ni sng1 mlawa hangan alang qmada nirih saw wada seasug alang ka siyang ni smahug ruciq, nasi ini sahug ka seejiq tnkari mdkrang nii o saan haya rmudaw ka sapah na, nasi mangal luqih ka duma dha o seejiq tnkari ka msahug snpuhan, gimun kana ka alang ni nasi niqan ka wada hmut sgsapat o dhiya ka msahug, bitaq dhuq sapah ka wada mdkrang o ini tduwa phngun ka tahut sapah ni ini tduwa mseusa ni mrrnaw.

參考文獻[smmalu patas | ida npatas sspgan ka smmalu patas]

  • 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.