Galiq putung

galiq putung (鼠麴舅)

Ngayan sudu ka galiq putung nii, sudu biciq ma mtumu ciwil hari ka waso na, niqan ubal ka qmuru na. Hmeru so bsuring kssiyo neepah alang ma kssiyo qnpahan, leexan ba giman.

pedu srasing puniq (引火棉線)

Mutung qrari ka rudan miyan cbeyo yami Seediq, ini pntena so ptserus gmbeling qhuni aangal rana puniq dduma seediq. Mutung qrari nii ge asi ka niqan pedu srading rana puniq, kiya de saangal daha galiq putung nii ka pedu srading daha puniq ka rudan miyan cbeyo. Waso na galiq putung nii ngalun daha, dungeun han ma mdengu de rtretun daha, bale so wata ka urac waso na denu, psltudun so negul de kiya ka pedu srading puniq di.

pedu halung (獵槍引信)

Bhangan ka kari rudan alang we, niqan kesun “halung ptungan” ka halung rudan miyan cbeyo yami Seediq. Uka peruh ka halung nii, asi ka niqan pedu sraki na puniq ma asi ka ptungan, ini so halung daha bobo de niqan peruh. Mosa mcebu camac lmiqu de asi ka mddaha dmoi halung nii, taxa daha ka lmengu camac ma texa daha mutung pedu halung, rriqu ba dooyan mesa rudan, ado mbahang hrenang mutung krari ka camac de wada qduriq di.

Pteumal pptasun (參考資料)

Tado Walis, Pawan Nawi, Siyac Nabu ma Ukan Siyac ka smneeru Dakis Pawan ka smnnetur