Curung
Curung/ Curung/ Surung(杜英)
[smmalu patas | ida npatas sspgan ka smmalu patas]Curung mniq llbu mi ckcka knrbawan dwiyaq, smkuxul mhru muxur mi mtilux hari dxral, brah mhhur ciida ka rudan wasaw na u mbanah ka rakaw na, mrrimax mniq msama wasaw curung hiya u malu bey qtaan! mbhuway ka phpah na mi tikoh ka hiyi na, mphada ciida u piyah rakaw msama kmpriyux rakaw msadu ka hiyi na. pngpang mi msbasi hari uqun.
Mphpah ciida ka curung nii u, miyah ttama mkan hiya ka waru mi probo mi kwkuwi dnii, kiya ka qqbhni, bbrihuc, rungay, boyak mi pada …dnii smkuxul mkan hiyi na uri. Rahuq na phmaan dha ngiraw mi thuwan dha ka qhuni na, rhiq na smluun dha rakaw, rhak na smluun dha abura mi seykey mi abura sdhriq.
Cnduray hari da u, ngalan dha qhuni qtaan ka curung nii , hiyi na ngalan dha hiyi qhuni mkan, uxay uri u qmasun dha mi ngalan dha hlama mkan uri.