Cudu rebu
Cudu rebu/ Cudu rbu/ Sudu rbu(楊波)
[smmalu patas | ida npatas sspgan ka smmalu patas]Cudu rebu nii ge qhuni bubu na, mbhege ka bukuy waso na, hmeru so krruru ma kyyayung, egu kana kssiyo ruru, ayu ma yayung alang, ini slhelah skdiyun.
Smcudu de asi angal mreemux kingal tnpusu, iya angal qtehur na, gimi so knbaka naq qnthuran na peni. Gimi so gaga sclingan qsiya ma, skadi btunux paru so sapo ssiyo na, so malu stemaq bubu cudu rebu nii peni. Kiya de asi spui tmemaq kana bubu na, cida na ma waso na, tnmaqan na de sqada rcilung qsiya.
Sqada qsiya ka cudu rebu tnmaqan de, so rebu mbbuwa ka qsiya ruru denu, egu bale ka buwa na, kiya kesun daha cudu rebu. Asi ka uka riyung skdiyal cuda gamal de, mangal cudu rebu nii scudu daha qcurux ka rudan ta cbeyo.
Bale ba we, ini kbeyax ccduun qcurux ka cudu rebu nii, kika asi naq egu ba ka ccnduwan ma, asi naq mbeyax kmadi ma dmayo qmquli ka seediq mosa cmcudu.