Ciyakang

Gaga mniq Hwareyseyn Wanjungsyang ka alang Ciyakang.

451 sapah ka kneegu na sapah, 1,350 hiyi ka kana knhbragan na hiyi. Tnpusu seejiq o mangal 97% niqan 1,307 hiyi sp, rahuq na uxay tnpusu seejiq o mangal 3% niqan 43 hiyi koia.

Kana ka kleegan seejiq ga, Truku 88%, Amis 2%, Tayal 2%, ni rahuq na o 4%.

Pusu nniqan alang(部落特色)

Yayung Ciyakang o saw bi kingal paru bling tnqirq qhuni, kiya ni tmhangan dha「Ciyakang(知亞干)」.

Nniqan alang(所在位置)

Nyusan Skanki nsgan Maribasi alang Siring.

Gasuc(範圍)

Gaga kska yayung Ciyakang ni yayung Cingcang, narac hunac siyaw yayung Fofung, hraan hidaw o hnari bi Fungrin cng Rinjungri.

Tiri lnglingay(地理環境)

Mnuda yayung maa breenu brnux.

Pgkla patas cyawtung(交通資訊)

Mgrig su na rulu:

Tduwa muda Tay 9 syeyn quri hunac, mnuda su saw paru hakaw Fungping do hrinac tqiri narac kika mtmay su alang Siring da.

Ppanan basu:

Tduwa su ppanun basu Skanki pusu muda hunac rulu quri Kwanfu, tucing su rulu ka dhuq Rinjnug ni hakaw pingrin sngayan rulu hiya, kika asi ka kksa su dhqan alang Sirin.

Klegan seejiq nealang(部落所屬族群)

Truku.

Djiyun kari(使用語言)

Kari truku ni kari Tlu.

Snhiyan cungcyaw(宗教信仰)

Joro, Teyeyncucyaw, Singyeysu.

Pnaah alang(部落由來)

Mniq saw mnrmuxan Tanah Tunux siida o gasuc kika tsamac hini o tmsamac bukung Karaw Watan, snlayan dha siida yayung Ciyakang o saw bi gaga saraw ka paru pusu qhuni qntaan, tmhangan dha Raenhakehoni(bling pusu qhuni) kika nii ka pnyahan hanga nnniqan dha alang nii（Ciyakang）. Bukuy Kwangfu minkwo hngkwasan 卅五 siida, bukuy yahan Taywan ka cngfu minkwo siida do seasug singcng cyu dha nangan balay bi hangan Sirin ka alang Ciyakang da.

Niqan 430 tnsapah 1700 sngari sjiqan ka ruwan alang, pusu 97% seejiq Truku kana seasug 12 rin. Binaw niqan kska tg10 dhuq tg12 rin o brah bi hangan dha tlu o mswayi Wun（Paydang Rawkan ni Pisaw Rawkan）yasa saan dha tsamac nniqan o gaga daya yayung Moka (Muke Mukeyi 目格目給矣), mrbu tnhjil ni snqaya yayung Cingswey dgiyaq Erto ni nniqun dha Cyatayti(甲台地), Mniq brah hangan Cwo, Su, dha nii o jndadax saw Cansan thjil dgiyaq Ciyeyncing kika mtmay hini, duma brah hangan Cwang o kndadax nsgan Bsuring Datung dgiyaq Dasanri thjil dgiyaq Ciyeyncing kika mtmay alang hini.

Pusu brah hangan Deng ka tg9 rin, brah bi seuxal o kndadax daya yayung Riwusi dhuq sayang gaga maa pnryuxan elug rulu qrngul yayung Ciyakan ka skrayan na mniq 300-350 knjisan ka nniqan na, brah kwangfu ming hngkwasan 20 siida mtmay nniqan sayang ni talax dhuq tg1 rin nniqan. Pusu bi brah hangan Pan, Riyang, Sung, Suyey ka nniqan hiya, bukuy do snegul brah hangan Wung kika kndadax Sancang ni daya yayung Moka mtmay. Tg7 dhuq tg2 o pusu bi brah hangan Ping, Cang, Hwang, Cen, Rin, Caw ni Siyey ka pusu nniqan hiya, kska ruwan o pusu bi brah hangan Cang, Hwang ni Cyu ka egu bi, kana baraw sjiqan alang o kndada bukung alang Karaw Watan siida snqulan empsaping Tanax Tunux mdudul kana seejiq nealang kndadax daya yayung Riwusi mtmay kana nealang dha.

Pgkla patas saan rmigaw(旅遊觀光資訊)

Pusu pnhyugan:

◎Pnhiyug nyusan ciway sapah pyasan Sirin (038)771064

Nyusan Skanki nsgan Maribasi alang Sirin 8 rin 114 haw.

◎Sapah kmlawa kana hiyi nseeji alang Sirin. (038)771054

Nyusan Skanki nsgan Maribasi alang Sirin 127 haw.

◎Pnrhulan Joro Sirin. (038)771903

Nyusan Skanki nsgan Maribasi alang Sirin 74 haw.

◎Sapah keysacu kmlawa seejiq klwaan Fengrin. (038)772086

Nyusan Skanki nsgan Maribasi alang Sirin 1-2 haw.

◎Seasug pnrhulan Singyeysu Sirin. (038)771715

Nyusan Skanki nsgan Maribasi alang Sirin 124 haw.

◎Sapah qmlahang llaqi rabu.(038)772166

Nyusan Skanki nsgan Maribasi alang Sirin 201 haw.

◎Nyusan Skanki sapah keysacu kmlawa seejiq klwaan Fengrin. (038)771116

Nyusan Skanki nsgan Maribasi alang Sirin 130 haw.

Saan qmita rmigaw:

◎Qhjing Ercsan

Gaga lntulan skrayan nyusan Skanki nsgan Bsuring ni nsgan Maribasi, kkska dgiyaq Dakewaysan ni dgiyaq Nanercsan. Pusu snluan kika yayung Skanki, yayung Fofeng, yayung Ciyacang na kska muda yayung ka snmaru nii, mniq saw klwaan Taywan o tgkingal paru bi yayung qhjing. Rngangan kingal qmpah bsiyaq bi ruwan kmlawa Rinwucyu klwaan sjiqan, minkwo hngkwasan 53 siida endaan kika paru bi buniq snqmaan kana 2-3 kbkuy lituk sngari dxgal, emphing buniq jiyan ka sjiqun Rinwucyu, keeman o tbux qsiya qhjing, lutuc maxal hari jiyax. Ida snliyan dha seuxal na qhjing ka nniqan hiya tnpusu seejiq, miyah hini ka seejiq eseisil o pusu bi yahun dha kmarig bnunux, muda ta saw mnuda elug paru rulu nii bini tduwa dhuq qhjing dgiyaq Ercsan, suyang balay nniqan hiya. Ida naqih bi ka elug hini ni nasi su mgrig su na rulu o, asi ka niqan bi biyax ka rulu su wah. (《山地鄉之旅》2001，行政院原住民族委員會出版)。

◎Pgkla patas saan rmigaw nsgan Maribasi.

https://web.archive.org/web/20080619170359/http://www.wanrung.gov.tw/web/wanrong/index.asp

https://web.archive.org/web/20080619170359/http://www.wanrung.gov.tw/web/wanrong/index.asp

Pnyahan pnatas(參考資料）

• 內政部戶政司全球資訊網
• 原住民族委員會全球資訊網統計資料

Hangan alang(部落名稱)

Alang Cyakang

Tukubeycu na alang(部落特色)

Mntna bay so mtqraq bling beyhing qhuni ka qnluluy na qsiyaq Yayung Cyakang, kiya ka brahan tmhangan “Cyakang” ka drral hini.

Nniqan niya(所在位置)

Nyusan Skangki Murisaka go Sirin cwen.

Knlbangan(範圍)

Iyax Yayung Cyakang mi Yayung Cingcang pa, mkngahu narac tuhunac ratuc Yayung Sohong, hnruwan hidaw u msdalih Hongrin cn Rinjong ri.

Nniqan lnglingay(地理環境)

Brnux dxral snbrxan ucilung.

Quri ppanan rulu(交通資訊)

Mriq rulu:

Malu kndadax Tay 9 seyng mquri tuhuc, muda hakaw Hongping daw mriqi narac mi mtmay alang Cyakang.

Ppwaluk tyeyn-cu patas qtan alang(電子地圖連結)

Seejiq Truku.

Klwanan sediq(部落所屬族群)

Kari Seejiq Truku, kari Telu.

Sduwi na kari saya(當今使用語言)

Kiristokyo, Teyngskyo, Singyasu kyokay.

Snlhayan snhiyan(宗教信仰)

Tanah Tunux jitay pa dupan pngalan kari rudan Watan ka dxral hini, wada dha qtan mntna bay so mtqraq bling beyhing qhuni ka qnluluy na qsiyaq Yayung Cyakang, brahan dha rangah qhuni, kiya uri u pnyahan hangan dxral Cyakang uri. Kngkawas 1945 idas 12 diyax cida wada mlatac Taiwan ka seyhu Tanah Tunux daw, miyah qduriq Taiwan hini ka seyhu Cyoka Minkoku, spuda pnsnakan singcngcyu wada mndungus bay phyuwan Sirin cwen ka alang Cyakang.

Pnyahan alang(部落由來)

‘Patas Lntudan Marah Matas Nyusan Skangki’ – Patas Bnkuwan Kluwanan Sediq.

“Rrmiwaw Alang dSediq” kngkawas 2001, patas smnalu Singcngweyn Sediq Tnpusu Weyweynhwey.