Samay(密花苧麻)[smmalu patas | ida npatas sspgan ka smmalu patas]

Camay nii u mniq llbu knrbawan dwiyaq klwaan Taywan, mhru ssiyaw yayung, ddoras mi ssiyaw elu mmhuriq hari dxral, mdakil ana inu mi mrana bay kndkilan na. ou bay ka phpah na mi hiyi na, rakaw hiyi na u mbanah, sqsiya bay ka hiyi na uri, kiya kuxul bey uqun kwkuwi, qqbhni mi ccamac.

　　Uqun rabu tlaway ka wasaw camay nii; rabu wasaw na u kuxul mkan rungay, rqnux, pada, miric mi bbrihuc….dnii, smkuxul mkan hiyi na ka qqbhni uri.

　　Rahuq na kiya ka qmuru camay nii u tduwan pkmalu qnrapan bwihur sediq; tduwan uqun sediq ka rabu wasaw na; tduwa pkmalu dxral ka pusu na; tduwan ngalan dha lblak mi wasil ka mkray rhiq na, ou bey knmalu ddiyun kndusan sediq ka camay nii.