Buta（武塔部落）

Gaga mniq Yilan Nanawsyang ka alang Buta.

112 sapah ka kneegu na sapah, 349 hiyi ka kana knhbragan na hiyi. Tnpusu seejiq o mangal 91% niqan 317 hiyi sp, rahuq na uxay tnpusu seejiq o mangal 9% niqan 32 hiyi koia.

Kana ka kleegan seejiq ga, Tayal83%, Amis3%, Truku1%, Bunun1%, ni rahuq na o2%.

Pusu nniqan alang(部落特色)

Musa alang Buta o asi ka muda elug suhwa kungru, kika kuxul bi seejiq nihung ka kingal uyas sbiyaw - Sayung ccung-kika kndadax alang hini ni yayung alang hini ka prajing meuyas uyas nii.

Nniqan alang(所在位置)

Nyusan Yirang nsgan Nanan alang Buta.

Gasuc nniqan(範圍)

Gaga mniq hraan hidaw sngayan rulu qrngul Buta hini ka alang Buta nii, kika mniq narac hunac yayung tananawnansi, hraan hidaw dgiyaq Russian, kana o 50 knjisan ka baraw breenux mnuda yayung nii.

Lnglingay tiri(地理環境)

Breenux.

Pkkla patas ppanun(交通資訊)

Ppanan rulu:

Panan rulu qrngul dhuq nniqan sngayan rulu qrngul, tucing rulu musa nganguc do kiya da.

Mgrig rulu:

Nanaw>Suhwa kungru>alang Buta

Sjiqan klgan nealang(部落所屬族群)

Seejiq Atayal.

Djiyun kari(使用語言)

Kari Atayal ni Tlu.

Snhiyun cungcyaw(宗教信仰)

Pnrhulan Joro.

Pnaah alang(部落由來)

Musa alang Buta o asi ka muda elug Suhwakungru, niqan rima kbkuy sngri seejiq, pusu bi alang nniqan tnpusu seejiq Atayal ka hini, kndadax daya alang Buta sbiyaw Tarakanse miyah tnhjil hini, kika tmhangan dha Buta ka siida. nSeejiq alang o tgseesu bi kana, pusu emptdxgal, msblaiq bi ka kndusan dha. Mnuda alang hini ka yayung Nanaw, sleexan bi qtaan ka qsiya yayung, tduwa qntaan ana inu ka qsurux ni qbowlung mniq kska ruwan yayung, mniq saw idas 4-5 siida musa keegu bi ka karang. Dalih kngkawas sayang hrinas dha qsurux syangyu saun mrana yayung hiya, kika hmrinas keegu ka ida nkiya mnudus yuyung Nansi da.

Muyas uyas Nihung siida- Sayunccung- kika kndadax alang Buta yayung Nansi hina prajing, dhuq ta truma hakaw Sayun qmita btunux, hmrapas qsiya, qnbhangan hnang qsiya yayung, hnang qpatur ni hnang kuwi uri.

Plalay miyah tnhjil alang ini o alang sbiyaw Buta seejiq Tarahan.

Alang sbiyaw Buta o gaga mniq ssiyaw iril yayung Tananaw nansi hiya, bitaq tnhyaqan na sayang o mniq dgiyaq 24km hiya, yasa kessiyaw yayung hiya o mnrmuxan paru bi quyax seuxal, kika tnhjilan narac yayung Tananaw nansi hiya ni nniqan nniqun saw gqiyan hidaw hunac yayung Heryo 4km hiya, kika tmhangan dha bgurah Buta. Hngkwasan 4 Tacgn(Hngkwasan1915 ) kika ngalun ka keegu bi bbrigun dha breenux, kika prajing thjil Kanalan ka seejiq nalang da(Kanalan, nniqan narac bi hunac breenux Rupi hiya sayang, kika alang Cinyuey sayang) , bukuy do niqan naqih narux, kika niqan duma ssjiq tnhjil Kancto(Baxallan, kika alang Piho sayang) . Kndadax hngkwasan 40 prajing, kika prajing psraman mnuda saw tnhjil alang, bitaq minkwo hngkwasan 43 idas 8 jiyax 1 kika balay bi mnhdu, sslian kana ka seejiq nalang ni psqaran hini kana. Kana miyah tnhjil mtmay alang hini o 35 tnsapah, 214 seejiq. Alang Cu ni alang Cungyuey supu kingal alang, minkwo hngkwasan 52, tnhjil alang Cungyuey ka alang Cinyang, kika balay bi buruxda.

Ga tnhjilan nniqun alang Buta hiya sayang.

Pgkla patas rmigaw(旅遊觀光資訊)

Pusu pnhyugan sapah:

◎Buta ciway sapah pyasan (03)9981632

[272]Nuysan Yiran nsgan Nanaw alang Buta elug singsi tg1

Saan dha qmita ka rmigaw sjiqan:

◎Kungyuan kiniyeyn Sayung

　Krpuhan hngkawas 1938 siida, uwa Sayung Hayung alang Riyohengse, sphadus dha emptgsa, strung paru gbihur, kika meydang mniq saw yuyung Nanaw, kiya ni mnuda Sayung sun dha ka uda nii ka Taywan siida, bqanay kingal tuki biqun alang Riyuhence, lnglungay dha, kika tuki nii o tmhangan dha 「Sayunccung莎韻之鐘」. Saan dha msangay nniqan kungyuan o mniq ssiyaw Yeycyasyang saan dha bnrigan qyqaya ana manu, tduwa qntaan suyang bi qtaan ida nkiya Nanaw, mniq sska elug Suhwakungru ka saun dha sngayang nniqan hini, tduwa saan qmita qtaun, dungus na o kika ppkla seejiq manu ka 「Sayunccung莎韻之鐘」mniq saw Nanaw hini.

◎Yayung Nanawnansi

　　「Yayung Nanaw nansi」mnuda nsgan Nanaw alang Cinyang, Wuta, Piho, bukuy strngan yayung daya ni mtmay paru silung Taypingyang. Sleexan bi ka qsiya hini, dhuq saw 4-5 idas o musa egu bi ka kmarang Mawcyey sun dha, duma niqan ka hrinas dha tnbugan qsurux Syangyu saun mrana yayung hini, dungus na iyux keegu ka mnudus ida nkiya yayung hini. Nniqun hini o tduwa qnbhangan hnang gbihur, hnang qsiya ni hnang qmuyux, kika balay bi qbhangun hnang ida nkiya ka hini, skeelug ta yayung ni musa daya o, tduwa musa ta alang Cinyang ni alang Wuta uri, hini ka alang nAtayal kana.

◎Elug sbiyaw Buta

　　Kndadax bukuy alang Cinyang muda gqian hidaw elug Yi57tawru, ini bsiyaq do strung 岔路, muda igi daya o angu Senmihu kiya, asi mslagu muda sttu truma, muda saw elug narac kssiyaw yayung Nanaw nasi, ssiyaw narac o niqan elug tduwa asi dhuq yayung hunac, kksa 1~5km do kika dhuq tg3 hakasw Cinyang, qmangaw yayung Cungyueysi, tduwa msangay hiya karulu ni ksa, muda egu bi tunux elug saw hari 2km do, mnuda elug sbiyaw Syunpiyahawkutaw kika balay su bi dhuq Buta sbiyaw ni Cinyang sbiyaw da.

◎Kssiyaw gsilung Kwanying

「Qmlahang klwaan Kssiyaw gsilung Kwanying-觀音海岸自然保護區」strngan saw paru tasil ni kssiyaw gsilung kika hnigan kssiyaw gsilung, nasi su kmmita dhiyaq bi qnquran saw qsiya gsilung bling btunux, kika hini o balay bi tduwa qntaan saw hnigan dxgal strngan 縱向 ni 橫向, balay bi lipixan ka tduwa nami qtaan kiya. (《宜蘭原鄉─南澳》，宜蘭縣南澳鄉公所製)。

Pnyahan pnatas(參考資料)