Btakan qoran

Pnyahan Wikipidiya

Btakan qoran (麻竹)[smmalu patas | ida npatas sspgan ka smmalu patas]

File:Dendrocalamus latiflorus - Shinjuku Gyo-en Greenhouse - Tokyo, Japan - DSC05729.jpg

Btakan qoran nii ge, mthiti hari klaun ita Seediq mesa kari rudan. Rmabang qnthuran ma qndisan na btakan qoran nii daka btakan bale, puqun ka lexi na ma, dngeun ma qmasun daha duri.

Lekuh bbulan qsiya rudan ta cbeyo ka btakan qoran nii, sbruxun daha ma teru kulo ka btakan na, niqan naq sepac kulo duri. Smburux ciida we, pniqun quwaq icil ma pniqun kulo plabu na ka tgiicil ma, dngeun hayan. Mdengu dige peeyah quwaq na meruq plabu kulo na, krngiyun ka puting na ma, seegul wahu ppheyan ahing.

Ani naq mndengu ka btakan qoran nii we chedin hari saapa, kika mqedil du we, daha kulo ma teru kulo bbulan daha qsiya ka dheya, asi ka rseno mheyan bbulan sepac kulo. Ado uka liwas ka cbeyo, spheyan dehuk sapah ka qsiya de, asi phyegi siyo hprayan, stkuhun hmeruy ribo ma sepih de pure ido ma so smsama.

Ngalun daha eruc kadu rodux duri ka btakan qoran nii, ssalu daha hako dhequ ddaan seediq duri. Hndure hari ka slabu daha cmaki ka waso na duri.