Boyak

Pnyahan Wikipidiya
跳至導覽 跳至搜尋

boyak (山豬)[smmalu patas | ida npatas sspgan ka smmalu patas]

Boyak nii we camac lmiqu, mntena ba babuy tnbugan sapap hnyegan na ma mqarux duri, paru de niqan waqic ka balas na, ririh so babuy lmiqu uxe tnbugan seediq.Ani maanu puqul na ka boyak nii, mekan waso ma gamil grgirin; mekan lmlamu hei qhuni saadux mnhrehur dheran ma qbuwe; mekan lexi bbtakan ini pntena klegan; mekan munang ma bicur boyak.

dnungusan phuling(追獵之標的)[smmalu patas | ida npatas sspgan ka smmalu patas]

Yami Seediq, mosa lmiqu de boyak nii ka ddngusun miyan mosa phuling, ye ado ka shiyun ma msiyang. Cmcamac klaun rudan miyan ga lmiqu Taiwang hini we yaani sume ka paru bale, ani si ini riyung nteni ka sume ma ini hari kmkeli mangal. Maha knpruwan rqenux ka paru ba bobo na sume nii, ani si asi ka mosa ddgiyaq paru theya niqan rqenux, ini eniq lmiqu daling. Meniq ka boyaq nii dige asi eniq kssiyo lmiqu neepah nami ma egu bale duri, kiya ka ddungusan miyan de mosa lmiqu. Huwa ka so miric, pada, rqebux ma kana so qqbheni paru hari we, ngalun miyan kana ka kiya duri.

aangal camac nSeediq(賽德克的狩獵方法)[smmalu patas | ida npatas sspgan ka smmalu patas]

Egu klegan ka aangal miyan camac yami Seediq, cbeyo bale hayan we phlingun miyan ma scebu nami budi, kiya duri we paha miyan tlenga, snuyuk snyukan ware nuqah ka stlenga daha ciida. Bobo na niqan miyan halung, qnawan tlenga ma qapi xiluy de kiya si paru ba dnyagan na mosa miyan lmiqu. Ini pntena ka qqerac miyan camac, qolic ma qbheni. Tlngaun ka camac, uxe duri we phulingun ma scebu halung; qpiyun qapi btunux ma qapi xiluy ka qlqolic; drangun ka qqbeni. Dmoi halung mosa mgcebu rapic ge hndure hari ka kiya di, bale ba we ini nami kesa ptcamac ka cmebu rapic nii yami Seediq.

lubuy tabuk(狩獵靈袋)[smmalu patas | ida npatas sspgan ka smmalu patas]

Kana kklegan miyan ptcamac yami Seediq nii we, wano ba tmlenga ka niqan gaya dmoi lubuy tabuk, lubuy tabuk nii ge snais daha benac pada. Utux nbale seediq mosa tmlenga ka lubuy tabuk nii, truma na lubuy tabuk nii we ga daha pqpahan ludux muhing boyak, klabi narac doriq boyaq niqan ubal, ludux narac birac boyak ma puting ngungu boyak niqan ubal.

gaya lubuy tabuk(狩獵靈袋的規範)[smmalu patas | ida npatas sspgan ka smmalu patas]

Knkingl seediq mosa lmiqu we niqan lubuy nii kana, niqan naq kari na ka knkingal lubuy nii duri, netun so lubuy mntena pnyahan na de mntena ka kari na kiya, uxe de ini pntena ka kari daha. Mosa lmiqu ma mpaha tgplaale ba tlenga ali ciida de, asi ka psaun bobo ttlngaan ka lubuy nii ma srengo hii ka kari na.

Pteumal pptasun[smmalu patas | ida npatas sspgan ka smmalu patas]