Bowyak Utux

Bowyak Utux (神豬)

Niqan kingal seejiq , hangan na o Bayan. Yasa ini kla maduk ka hiya do phlisan dha ni syaxan dha. Niqan kingal jiyax,mseupu seejiq malah tahut ka Bayan nii. Kiya ni asi tai ungat qtaan ka Bayan . Mskluwi bi kana ka seejiq tnhiyan na hiya. Kla balay bi wada qrapun utux ka Bayan nii da. Dhuq alang utux siida ka Bayan do dsun dha maduk bbuyu.Nii qmburang bowyak utux ka deutux siida, dmhaw nanak qmita ka Bayan, hbaraw bi ka qmburang, wada kana ka biyax dha ni wada hmrinas ka jiyax uri da. Kiya ni ungat ana kingal ka nangal dha. Wada bi ka Bayan binaw, asi na qgupi baga kana ka bowyak utux. Pnais bi htngay ka towkan napa na. Mgmlux ini keisug ka Bayan nii. Kla su ha qpatur bkiluh ka bowyak utux nii. Paah siida tndhuun bi qmita deutux ka Bayan dni hadun dha alang na nanak. Mqaras bi smtrung hyaan ka kana seejiq alang ni nklwiun dha bi qmita ka Bayan nii da.

參考文獻

• 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.