Bngrux(五節芒)[smmalu patas | ida npatas sspgan ka smmalu patas]

Bhngil nii ga mhru ddriq klaalang. Mgsama qtaan ka bkuy wasaw niya, truma wasaw niya o uka bhgay lmu, ada ka niqan mhungun kruc ka wasaw niya, kiya mhilic　hiyi. Seysay wasaw o yahan bi seupu mssli mniq dbowyak, dqowric, dqbhni, dquyu …dnii.

　　Ngalan bi ssalu libu babuy ni kadu rudux ka bhngil nii, duma uri o stabug dha dapa ni miric uri. Gamil na ni qmuru niya o niqan euqun sun pskbiyax hiyi bulang, malu biuqubn ka tangu na uri.

　　Seuxal ga ita Seejiq o ngalan ta snpuan klgan kndusan nqpahan ni nsnyusan ni gmariq powda, psaan dha mniq babaw kbusan hiya, muran dha qsiya bi sneyusan kari rudan, iyux saw pqduriq naqih utux ni mangalmalu endaan.