Ayal psapuh qbhuni sisil

pnspuwan pnatas298  pnyahan:Yeyn-cu-min-cu-wey-yeyn-huwey

Pnsltudan dha kari enca, cbiyaw! Cbiyaw pa, niqan kingal ka qbhni, mniq bbuyu hini mpprngaw rmngaw:“yahan  ta psuung biyax kana, beyhing bay btunux doras way pa， qtai ta ima ka ckulun na ayu qsiya, kiya umaaw ta hiya ka qbhni malu bay tunux. ”hbaraw bay ka qhbni mnusa tlami, uka ana ima msmay cmikun beyhing tasil kiya. Bukuy daw ryuxun kingal ini bay qqtai qbhni,“sisil”ka hangan na. kiya ka miyah mhiyu meysa:“ptlmi ku ka yaku pa!!”Wada mhulis eceicil kana ka dhiya. Kiya ka kiya mi wada mbbiyax lmlu palic, kndadax sthyaqan skaya daw, kiya ka quwaq na pshnang “ci!- ci!”hnang; saw balay budi kmbxani mquri beyhing btunux, beyhing btunux, kiya daw wada mhnang hong hong mstakun yayung qsiya ka beyhing btunux nii da.