Alang seejiq
Manu ka alang? saw ita truku o mseupu da kingal alang ,mseupu musa bbuyu ni mqaras kika ksun alang.paah laqi bilaq mndakil ku alang "Ihunang"ka yaku ,aji hmut knsuyang qtaan ka alang mu hiya.suyang bi ka bgihur na ni mtasaw bi ka qsiya yayung uri,malu bi saan rmigaw ka dgiyaq ni yayung hiya.Dgiyaq bukuy alang mu o mgpajiq mubung ppngpung dgiyaq sgnaah ta paah dgiyaq qmitaq o knmalu qtaan ni malu bi saan steetu uri.kska dgiyaq hiya o lala bi klgan samat,kiya o niqan mirit,pada,rapit,bgilaq,qowlit,bowyaw,rungay ni qqbhni .Tai saw dhuq ka krpuhan ni misanmnhdu mtbiyax qmpahan do omttqnay musa bbuyu ka kana snaw alang mktru bitaq mkempitu jiyax,miyah sapah da dhyia o msshjil balay htngay towkan ka napa dha dhuq sapah.mseupu nami mqaras mkan kana alang. saw nii knkla kndsan hnici rudan nami sbiyaw ni kndsan "qmpringan gaya"ksun rudan.saw nii o malu balay ni mseupu nami kingal alang.gaga pdalih "Ihunang"hiya ka suyang bi saan misux asu ,saw smeisug ni malu bi suxan asu,kiya o Yayung Syukuran ksun.laqi snaw truku o asi ka mkla maduk kika mtduwa mstrung kuyuh .laqi kuyuh o asi mkla mseusa kika mtduwa musa sjiqun.Kiya do o smluhay balay pstalang buji kana ka laqi snaw sayang .asi ka mdka kndsan seejiq kika duwa mseupu kana.saw nii ka alang,lala bi seejiq ,lala bi klgan dha.mqaras ku mntucing ku alang nii ungat bi bngux ni suyang balay ka hngak.Seejiq alang mddayaw balay ni mggkla balay ka ggtgut.nasi niqan msula ka kingal ruwan sapah mseupu dmayaw ka kingal alang. Kmsteita bi seejiq pnaah isil alang uri.
Pnyahan pnatas(參考資料)
[smmalu patas | ida npatas sspgan ka smmalu patas]- 鐘王秀娟. (2011). Wikipedia 維基百科 族語詞條試寫─原住民族語詞條 2011作品集. 教育部.