Alang kiyokay

Pnyahan Wikipidiya
跳至導覽 跳至搜尋

alang kiyokay (天主堂部落)

Alang Kiyokay de alang na Seediq Tgdaya. Ngayan na seediq de“Loyan” kesun daha. Ani si ngayan dheran ka kiya, uxe ngayan alang. Alang kiyokay nii ga tloung kesun Jinaysiyan Nanfuncun hini, kndalax Tai 19 sien hiya mosa Jinaysiyan de tgkingal alang Seediq ma daling bale Hori hiya. Bale ba pnheyu yaani knkawas 1956 ciida, menaq kesun Ka sinhu meyax gmarang kari kiristo hini, heya ka snalu kiyokay nii. Kiya ka skkingal theruy hini duma ka seediq pneyah alang Sipo ma alang Tongan hiya di, ki kesun daha“alang kiyokay” ka alang nii di.

Ka sinhu ni wada meyah psutotuy lnlungan seediq moda smluhe ndaan Tensukiyo. Smkuxun smnegul kari na Ka sinhu ka seediq hini, ki ka smmalu kingal kiyokay tgkingal tloung Jinaysiyan hini duri.

Niqan kingan Seediq Mwanan hiya, ma Awi Pihu ka ngayan na. wada smuruwa slhayan na ma, wada na biqun kiyokai Tensukiyo ka dheran na Loyan hiya. Anu smkuhul riyung smluhe ndaan kiyokay ka lnlugan na. Ado so niqan tlongan na kiyokay de. Ma maha malu saan daha smluhe mesa ka lnlungan na. ki wada paru bale lnlungan na ka Awi Pihu nii.

Alang kiyokay nii, niqan ka toma na hiya“alang toma kiyokay”kesun daha, siyo na hiya de alang tgebin kesun daha, ado egu tgebin hiya daha cbeyo. Cubeyo seediq ni we, ado so mosa theruy icin, msudadan de msuupu hari, ma sdaaling hari ka smmalu sapah daha duri, ini sstheya, anu icu daha qmremux pais de uka dadan so pddayo na, ki ini sstheya pstuloun sapah daha. Kiya ka meniq alang kiyokay hiya tnugo so msudadan hari.

Alang kiyokay nii niqan kingan ngayan na“kiyokay bubu Mariya seediq” kesun daha, anu tgukingal nyahan psgarang kari snluhayan, kndalax hini dungan mosa psgaran kari klalang Jinaisyan hini Dungan, kiya ka egu seediq wada mangan kari slhayan ta ka seediq di.

pnyahan pnataas[smmalu patas | ida npatas sspgan ka smmalu patas]

台灣原住民族歷史語言文化大辭典 http://210.240.125.35/citing/citing_content.asp?id=3695&keyword=%A4%D1%A5D%B0%F3%B3%A1%B8%A8