Alang Tongan

Alang Tongan （眉溪部落）

Theruy miyan dehuk Alang Bayke hini, maleba smunegun miyan kiyokay ma, malu elu na mosa ani inu kiya meyah miyan theruy hini. Hndure hari bayke kesun miyan daha, bobo nade skari hari telu ka seediq de meysi kesun miyan nadi.

Saya de wisu miyan so lmngelung hari “maanu ngayan na alang ta di” mesa miyan. Anu pusu bale alang miyan teru ka pnyahan daha alang, niqan alang Tongan, alang Sipo ma, alang Mwanan . Niqan ka seediq wada ini skila theruy Nakahara ciida duri ma kbberih Tongan hini, so kiya duri niqan ka mneyah Toda ma Truku duri, snkuhun psupu dadan ma dangi daha.

Alang Tongan hini gaga meniq kesun Nanhoncun(南豐村). Niqan seediq Tgdaya ga menaq tgbaro gako hiya ma,plmukan, kihilanh, telu ma, seediq khabu de ga menaq toma gako hiya. Alang Tongan nii niqan alang kiyokay daha ka alang iyu ka tnualang na. bobo na kndudun egu ka sisiyo na tgarang theruy hini, niqan alang Tgelaq, alang wilaq, toma deriq, alang Tgebin, alang Boki. Agu bale tnalang hini ma, agu so ngayan daha duri, yaani maha malu hari asi tnngayan alang Tongan ka hini. Anu bale bale de mneniq bale dgiyaq Tongan hiya kana druduran ta, gaga hiya kana snpahan daha, naka ta ini laxi ka ngayan alang Tongan nii.

Alang Tongan nii tnheruy bobo pcucebu paru, wada Tanah Tunxu de, meyah gmarang kari Tama Baro hini ka snluhayan ta. Ciida de Kasinhu ka wada dmoi mnege na dheran ka Awi Pihu nii. Kiya ka pstotuy kingan kiyokay meniq dheran na Loyan hiya ka Kasinhu, ciida ali knkawas 45(1956). Kiya ka mita tnsapah daha meyah theruy hini ka seedq duri.

Hani meyah hini Telu ciida, alang Tongan hini msupu alang Paran hayan, Tatoncun ka ngayan na. anu scuqi paru ka qlhangun daha, kiya ka knkawas 52 idas 10 ali 1 ciida ka wada knpriyuhun posa Nanhoncun di. Kika psupu mukang ka alang name di.

Alang kana Nahoncun hini, tnugo so ga meniq breenuxu ssiyo na ruru tudu yayung Usi hini ka yayung Meysi ma, ruru yayung Iyu daha ka yayung bnaruy hini. Bbale so nniqan daha de ga siyo bale elu Tay 14 hini ma, strengan yayung Meysi dah aka yayung Iyu.

pnyahan pnataas

• 簡鴻模、伊婉‧貝林，2002，《 眉溪部落生命史》。南投：中華民國臺灣原住民族同舟協會。

• 簡鴻模、伊婉‧貝林，2003，《 中原部落生命史》。南投：中華民國臺灣原住民族同舟協會。

• 伊婉‧貝林，《Utux、空間、記憶與部落建構─以alang Tongan與alang Sipo為主的討論》，2006，國立東華大學民族發展研究所碩士論文，未出版。