藥用 sama robo/ sama robaw/ sama robaw兔兒菜

File:Ixeridium chinense.JPG

Sama robo meniq alang, kklaan bale ba seediq tnalang peni. Robo, ngayan knbtunux ba mqedil seediq, mkela tminun so pnkadi tnunan na probo knmalu, ma niqal knbtunux ba ngayan na “ sama robo ”nii duri peni.

　　Sama robo ge, speriq msuupu mdakil hnreyan, lqeling qmuru ma egu hmeru kndalax gamil na ka uwaso; eyux qnedis. Mtheya gamil ka waso na kndudun biciq, mssriyux qmuru na mdakil qtaan. Mgceyas mphepah klaali, ani si mgrebu malu karac ttaan ka phepah na. Mkure qnedis mbhege ka hei na puting ludux baro. Niqal beyuq bhege tkriyak da kteun.

　　Meluq pskanun ka waso na mngihun ba rriyung. Ngalan rabu pusu, rabu waso ma qmuru, ini kgei shpure qsiya; mnbuwa pnrayan malu ba psqene mhqeni. Malu ba sdmatun ka begu na duri.

　　Sama robo, gbilan kana gamil, pthiqan qmuru, waso, ngalan mreemux kingal ddaha so pusu shpure tikuh qsiya, begu na spiimah mnarux nbuyas, so ini setuq snbuyes, asi thei ka mnarux na pnmahan. Ani si ini puqi egu, anu mngihun rriyun, ki iyu kesun tmngayan duri.