Nsgan Se-tan

^{Nsgan Se-tan(kari seejiq Saysya) o kingal nsgan seejiq tnpusu nyusan Miyawri. Nniqan na o ga ska bi alang nyusan Miyawri ni alang Tahu. Tgdaya na mlutut nsgan Sanwan. tgdaya nklaan hidaw ni tgtruma o mskiyig nsgan Nancwang ni nsgan Tay-an. mskiyig na tgtruma o nsgan Tahu kiya. dalih ryaxan hidaw o smdalih nsgan Kowngkwaan ni nsgan Tow-u kida. Dlih hari ryaxan hidaw tgdaya na o nsgan Cawcyaw kida.}

Se-tan, kska nyusan Myawri, nii mniq bbaraw tudu kska ggiyaq Paseyn, dgiyaq Pakwari, ni dgiyaq Pacyawri. Kari dha geayus alang Paysow tgdaya nsgan Setan ni alang Yunsin o ttama niqan kingal dgiyaq ni paah gaying qmita o saw bi kingal rklit kusuy nii ttama. Tunux na pnurug ttmaan na ni mrmux langu saw bi nii mimah qsiya. Manu seejiq tndxgal o thnganun dha Se-tan ka langu nii da. Kari dha o qulug kngkingal idas ida bi tgkingal ni tgmaxal rima jiyax ni paah siyaw langu ida dha qbhangan ka  hnang tatuk. Bukuy do gelegan ka elug paru Cunghu dni wada mnda ptuhan ka dgiyaq do ungat saw nii qbhangan da. 「Setan」ida nurug smudal hangan langu sduuy bitaq sayang maa hangan nsgan. Klwaan cin Tungci siida, alang seejiq tnpusu ka Se-tan, bitaq bi hngkawas Kwangsyi siida ni dmudul seejiq Klmukan mniyah ka Hwangnancyu kmbgurah do kika niqan seejiq Klmukan mniq hini da.    

Paah nhdaan klwaan Cin bitaq klwaan Nihung ka Taywang ga, alang Se-tan o ida kingal elug han ni ngalan「Se-tan cwang」sun tmngahan,  Myawri-ipaw ka kangki hyaan. Maxal mngari kbkuy kingal hngkawas (Klwaan Nihung Minci 34 hngkawas) siida, phyugan empusal Ting ka kana Taywang. Cwang nii o Myawri Ting ka kmlawa na. Maxal mngari kbkuy mngari hngkawas ( MinCi spatul dha hngkawas) maxal idas siida, wada pspuun ka empusal Ting maa maxal dha bi da. Cwang nii do Singcu Ting kangki da. Maxal mngari kbkuy empusal hngkawas (Tacenmngari hngkawas) siida, laxan duri ka maxal dha Ting ryuxan rima Cow dha Ting da. Nnyusan Tahu Singcu Cow ka hiya. Truma na o niqan Se-tan, Pacyawlin, ni Kweylincu Taji. Bukuy tnegjyalan do Setan o wada ryuxan nsgan Se-tan da. Nyusan Singcu ka kangai na. Maxal mngari kbkuy mrimalhngkawas siida, wada kmlawa nanak ka Towing, Singcu, ni Myawri do nsgan Se-tan nyusan Myawri ka kangki na.

Bnkgan qpahan alang

Niqan empitu alang ka nsgan nii. Pnurug dxgal na ni psenakun tgdaya spat alang ni tgtruma do tru alang. Saw nii pseanak o pnurug na elug yayung kska nsgan Setan nii.

Spat alang tgdaya: alang Paysow, alang Yunsin, alang Sinteyn, alang Husing. 「YayungSinteyn」，kika sun elug 「yayung Setan」. Qpahan nsgan o kika sun nii kska alang Sinteyn hini.

Tru alang tgtruma:alang Hunglin, alang Singhung, ni alang Cumu. ～「yayung Yeynsweykng」 o kika sun elug qsiya 「yayung Kweycurin」.

Pnegdxga

Tgska pnegdxgal nyusan

Nsgan Se-tan o kika sun tgska pnegdxgal nyusan Myawri. Marung btunux tgska pnegdxgal o phyugan bykuy daya Yusikung alang Hulin hiya. Nniqan na snpgan gasil dxgal o nklaan hidaw gasil 120”53”2”, tgdaya gasii dxgal o 24”17”28”.  

Hnigan dxgal

^{Knkana alang hini saw spat muhing ka hnigan na. Knpraan na o paah tgdaya wada mtabuy tgtruma. Saw bi ayug dha baang o baraw hari ni kska do truma kida. Kana alang nsgan o niqan ddgiyaq Pakwari, ddgiyaq Pacyawtung, ayug Setan tru ka hini. Saw ka ddgiyaq o tgaaw pnegluban dgiyaq Sieysan kana. Tru elealang dxgal nii o dgiyaq Pakwari ka geayusnsgan nklaan hidaw. Nii uri o kika sun geayus dha nsgan Nancwang ni Tay-an.Dgiyaq Pacyawtung o ayus ryaxan hidaw nsgan. Kika sun geayus dha nsgan Kowngkang ni Tow-u. Eyeayug tuda Setan o kika sun hbkan tgsuyang bi dxgal. Tgtruma ni tgdaya pusu bi elug paru Elug paru Cunghung---Tay 3 syeyn murug tudu ayug muda. Tudu eyeayug o kika sun daan pngluban kndsan sjiqun. Sdseejiq empitu alang kana nsgan o meudus kska ayug tudu hini.}    

Kmpryuxan snegasut yayung

Dhyaan. Dha nii ida ddaan yayung Howrung kana. Paah hini do saw ka ddaan yayung Howrung o kika sun tgparu bi alang qqlian na. Ddgiyaq nsgan Se-tan o nddgiyaq Seysan kana. Yayung o mda kmrut dgiyaq kana, manu sslikaw bi qqlian na ka yayung. Kiya ni ddgiyaq nsgan Setan o kika sun sslian qsiya dha yayung Howrung ni Cungkang klwaan ka kangki na.

Yayung Sinteyn: Aji uri o 「yayung Setan」ksun. Tgbaraw endaan yayung Husing o mstrung dha yayung Seciyuhun geayus alang Husing ni alang Sinteyn hiya ni maayayung Sinteyn da. Mniq kska alang Singteyn hini dni paah nklaan hidaw mquri ryaxan hidaw miyah mstrung duri dha yayung Sinteyn ka yayung Tatunse ni yayung Syawtungse. Mssipaw dha Elug paru Tay 3 Seyn ka yayung Sinteyn ni mquri tgdaya ni mnda alang Yunsing ni wada mquri nryaxan hidaw da. Mniq ayug Snmi nsgan Tow-uu hiya ni asi lu rmux skuan qsiya Minte nsgan Tow-uu da. Bukuy bling uusa paru htran qsiya skuan qsiya Minte(Hakaw Minte) ka yayung o yayung Rawteymryaw ksun. Mssipaw dha elug paru Ceynhung Tay 13 seyn ni mquri ryaxan hidaw asi lu rmux tgska pusu ddaan yayung Howrung. Eppgriq bi quri ryaxan hidaw ka yayung Singteyn o pida bi ayus nsgan Paysow ni nsgan Yunsing uri. Dddan hini ka yayung Singteyn o kika sun slian qsiya ni kklwaan pusu qsiya tgbaraw skuan qsiya Minte.

Yayung Yeynsweykn: Aji uri o 「yayung Kweyculin」ksun. Paah alang Hunglin ni bitaq alang Singhung mssipaw dha elug paru Tay 3 seyn. Mquri tgtruma mnda alang Culin ni alang Wenswey mrmux tgbaraw pusu ddaan yayung Howrung.

Yayung Nankang: Alang 「Sincwangji」geayus alang Paysow ni Sancyakn nsgan Sanwan

Kika sun tgbaraw ddaan yayung Nankang. Mttasaw bi yayung truma 「Hakaw Singcwang」bling uusa tgdaya siyaw qgqran elug Singcwang elug paru Tay 3 seyn hiya o kika sun tgbaraw bi ddaan yayung Nankang. Mquri ryaxan hidaw tgdaya ni mnda nsga Sanwan, nsgan Cawcyaw, ni nsgan Towhun. Mniq elug paru Tay 13 Cya Seyn tgtruma hakaw Cungkang mrmux yayung Cungkang.

Tgska ni tgtruma ddaan yayung Nankang kika mqruqi ruan naqih ruciq ni wada rinah bi naqih ka qsiya na da. Lhang qsiya o saw mtlawa mgpajiq aji uri o duma embrhibung bi ni aji uri o saw mami embrhibung. Saw ka naqih qsiya kika bsiyaq bi sksaang sdseejiq(qmeepah dxgal) mniq siyaw. Pusu balay o saw mniq tgska ni tgtruma ddaan yayung ka sslaan peiyah lala bi qsiya enlaxan qqpah ssalu ni bilaq hari enlaxan qsiya qqpah ttbug ni kika sun bsiyaq balay ruan dni lhang qsiya yayung msrusaw da. Tgska ni tgtruma ddaan yayung hini o kika sun geayus ida nkiya nsgan Sanwan ni nsgan Cawcyaw. Duri ni nsgan Towhun ni nsgan Cawcyaw uri.

Pspuan seejiq    

Empusal kbkuy kingal idas siida, tgpxal ini hrinas knhbrgan sjiqun Tay-an ka nsgan nii. Kika sun tghghaw bi knhbragan seejiq alang qpahan Nyusan Myawri.

Kmpruyan knhbragan sjiqun

Knhbragan sjiqun nsgan Se-tan o paah maxal mngari hngkawas siida ida wada meelih bilaq ka knhbragan sjiqun. Wana empusal kbkuy rima, empusal kbkuy mngari, ni empusal kbkuy maxal spat tru hngkawas mrana ka knhbragan sjiqun na. Rahuq mtrul mataru hngkawas do mquri meelih ka krnaan na.   

Spuun ka rima hngkawas (nhdaan empusal kbkuy maxal rima hngkawas~nhdaan empusal kbkuy empusal hngkawas) wada meelih spat kbkuy spatul maspat ka hiyi na. Knhghgan sjiqun na o 9.73 tnegkbkyan. Knhghgan sjiqun o hiya ka tgrima na kska knkana nsgan klwaan ta.