Yungciitupey(永濟義渡碑)

Ptasan btunux gaga mhiyug brah Cnankung(紫南宮), ida wada bqanan hangan tgtru knsmudal na Neycngpu(內政部)hngkawas 77 da, wada ptasan paru bi dnyagan na sjiqan kraaw yayung Mtudu, kiya ka pusu bi ddaan elug musa alang eseisil. Hngkwasan Kwangsyu(光緒)siida, Seejiq Cawtun Cyenhwacng (草屯簡化成)ni Seryaw Kungsng (貢生)Tungjunghwa(董榮華) …dnii ga mdudug balay phiyug uda niqan ririh kkraagan nii, tduwa pplawa ka Seryawcwang(社寮庄) ni alang Canghwa syen(彰化縣)siida, duri ni mangal bnegay uuda pusu paru mdudul na Ukwangryang(吳光亮) phiyug asu powsa kkraagan, phiyug ptasan btunux endaan nii. Bnatas dha patas nii ga msa “ miyah tuhuy o saw bi tnsapah nanaq, saw bi eyyayung knbbragan dha, uxay pstuq mlutuc ka ptasan btunux, malu hangan o mseupu ddgiyaq ni qqsiya psrdax” msa ka kari, dungus bi sraan ni slhayan laqi hici.