Tr-02-Uuda bsyaqun qmlahang ni saan pktutuy knkla kndusan alang

Uuda bsyaqun qmlahang ni saan pktutuy knkla kndusan alang (長期照護計畫與部落的文化健康站)

Ceng-fu ga iyux pksikul mrudan mniq nniqan, mrudan mtrtraw cneng-ce brihun knglangan. Ida qmita "ini pntna ka klgan seejiq, ga nniqan, dnuuy gaya" ni "mniq nniqan" ka psdhgan.

kiya ni egu alang phiyug saan pktutuy knkla kndusan, rahuq na qmlahang drudan alang, ida gmbgurah qqpahun nniqan alang uri.

Tmgsa sjiqan alang mqpah emptdayaw qmlahang, maa bsiyaq ni seupu mlutuc qmlahang ka dha knkla kndusan.

Ida ini ktna ka saan bsiyaq qmlahang alang paru,smikul saan pktutuy knkla kndusan o ida ini lxani ka gaya psramal/pknama shlayaun qsuqi/qsqiun ini kla muda ddaun nanaq.

Knama dmayaw rdrudan seejiq tnpusu peuxay nhari mdudan, qaqiun ini kla muda ddaun nanaq, mlih egu djiyun tnsapah.

Rahuq na qmlahang skbiyax hiyi sdhriq/ bgurah o, ida pusu bi sskuan kari klgan seejiq ni plutuc knkla kndusan uri ka saan pktutuy knkla kndusan/gaya.

Drudan alang ga ida dhiya ka ga mduuy ni emptgsa kari ni knkla kndusan alang.

Ida hbaraw ka mbbiyax uxay uri o mska knrudan,musa smiling drudan alang quri endaan dha sexual,knklaan dnii. Kika klaun ka knkla kndusan sbiyaw,seangal lmlamu kari, snalu qyqaya sbiyaw, endaan ri-s dnii kmrawah bnatas, kika dhqan smku ni qmlahang ka knklaan sbiyaw.

Drudan alang ga tduwa maa emptgsa saan pktutuy knkla kndusan alang,saw ka Iyung pihu Alang Tongan, ida gisu qlhangun saan pktutuy knkla kndusan alang,ida  tduwa tmgsa hnkla na uri. 

  Smiling ku Iyung emptgsa siida, ida pqtaun na knan kana ka tnegsa na rawa drudan saan pktutuy knkla kndusan;rmngaw shuya tmgsa ni lnglungan na uri, mangal qnawal baga pqtaun na knan. Ana nanaq rmngaw saw “Ay! Uxay leexan wah! !” Kiya ka kiya ni ida mqaras smruwa tnegsa na duri.

Ida mqaras kska gdmaan na ka emptgsa, yasa ini keurux, spruun bi qmita ana ima ka knkla na, kiya ni qrasun bi kndusan na nii.   

Pnyahan bnatas(資料來源)

撰稿人:

族  別:

校對者:

族  別:

整理者：

族  別: