Tnhjilan seejiq Truku
Tnhjilan seejiq Truku（德路固群的遷移）
[smmalu patas | ida npatas sspgan ka smmalu patas]Rudan ta sbiyaw o pnaah inu hug? yasa pnyahan balay seejiq o pnaah Hdagan lukus, pnkla saw nii ka seejiq Qhabu. Rmngaw, ini tuku knkla ka rudan namu sbiyaw, sngkuxul balay tnsamac(t). Wada dha priyuxun sinaw ni buwax ka dxgal, brigun dha seejiq Qhabu kana, kiya ni rmngaw ka seejiq Qhabu, nami kana ka dxgal nii da. Kiya ni balay bi ka rudan ta sbiyaw o ini skuxul qmpah, smkuxul balay tnsamac(t), dhuq alang Toda ni alang Truku, duma o dhuq alang brayaw, kiya ni asi tpusu mniq hiya da.
Sayang do dxgal Hdagan lukus o gaga niqan seejiq Qhabu kana da, rmngaw ka rudan: seejiq gaga mniq alang Truku o wada mrana balay da, paah hiya ni wada mswayay da, duma o wada quri bukuy dgiyaq (kika alang Karingko sayang), seejiq wada tnsamac(t) bukuy dgiyaq o qmita malu bi dxgal, smkuxul balay mniq hiya, wada asi alax alang dha nanaq ni thjil bukuy dgiyaq, kiya ni dhiya o ida lutuc(t) seejiq Truku kana. Nasi niqan knkla ka rudan ta o naa ta mniq alang Hdangan lukus.