Tmukuy
Tmukuy (播種)
[smmalu patas | ida npatas sspgan ka smmalu patas]Suxal o dhuq rima idas do prajiing tmukuy masu, kiya ni muda smapuh hmuma. Jiyax siida asi ka mgrbu balay tutuy ni phlama hlama ssapuh dha, pusu ranaq tahuc/t sapah o ini tduwa phngun. Smapuh siida, pusu ranaq nii o sranaq tahuc/t, dsun ka pnlhmaan masu. Sinaw ni payay ni parih uri, dsun dha empsapuh kana ka nii ni dsun dha qnpahan. Plalay musa qnpahan kingal empsapuh, mangal parih sqbuq na dxgal, smapuh pnhuma. Kiya ni meysa snbliqan utux ni tay saw emphru kana ka pnhuma. Nhdu smapuh do, hmliq cikuh hlama masu ni spowsa na ska spuhan, hmrig cikuh sinaw. Mnsngari hlama masu ni sinaw o sugun dha uqun empsapuh. Kiya ni wada qnpahan ka kingal empsapuh duri, wada muda saw uuda spuhan, kika nii o smapuh hmuma sun.