Snpuan qtahi

Snpuan qtahi(團結的螞蟻)

Niqan kingal jiyax qmita qtahi ka kumay, rmngaw ka kumay“kana babaw dxgal hini o isu ka cipiq bi, nasi ta mkeekan o kasi misu si ，ciq， mrut kukuh pstmaq” sun na. Embahang ka qtahi do naqih bi kuxul na ni rngagan n aka kumay“Ma su mangal bilaq knan, duma ga, paru qbubur ni ungat biyax, bilaq qbubur ni paru biyax o klaun su hug?” sun na. Kumay o msaang bi ni lngu na pstmaqun qmlqah ka qtahi. Yahan ha! msa ka qtahi“Mgrbu mkaxa pstrung ta yayung hiya.” sun n aka kumay. “Yaa su balay bi meiyah!” msa ka kumay, wada emppsdhug ni mswayay da. Kiya do qtahi ga, asi usa rmngaw kana kleegan qtahi ni srngaw n aka saw nkari kumay, asi endka embngbing msang ka qtahi ni “Lita kana”mkksa. Saw mgrbu mkaxa tmaga siyaw yayung ka kumay “Inu da qtahi nini, aji peutux hug?” msa. Ini lawa bsiyaq qtahi o mdka hnang yayung paru hmbragan asi iyaqh tmbnu qmapur mkan kumay, bitaq muhing ni birat spiyan qtahi. Tnlingis rmngaw ka kumay “Srwai ku hug! Wada ku mqnuqu da” sun n aka qtahi. Paah hiya siida do ini traqil tgbilaq ka kumay da.

pnyahan kari

Yudaw Dangaw，2013.08，口述。