Snegin山櫻花

　Yaani kkkingal knkawas ma idas 3 ciida, qmuyux kesun daha quyux snegin. Anu mphepah snegin de qmuyux bsiyaq ma ini kparu, kiya kesun daha qyuxu snegin. Ciida de mmaha psrading tmukuy macu mnuhity. Smnegun hari qmita quyux mosa phuma puqun ka seediq. 　　Anu quyux so nii ka pdhedu pshuriq dheran, knbaka na naq ka pkheru ani mmaanu. Ciida duri moda blebing sudu girin tnkuyan daha macu mulaale duri, ki kesun daha moda psgirin. 　　Niqan hei qhuni na ka sneqin nii. Slaqi miyan ciida, mosa nami mdakil qhuni snegin mangan hei na qhuni, psaun nami cuqi btakan ma, mangal nami atak snalu cida qreti. Melux nami kesun cux ! cux! cux ! ka metaq cuqi, ngalan nami atak na ma hgetun miyan ka beyoq hei seedan atak na, mtbasi, mpmepan hari ma, niqan ka msibus tikuh na duri. Malu puqun wa.

每年2-3月下雨時間長但雨不大，卻滋潤了整個大地，此時正值山櫻花盛開，所以我們稱此雨為櫻花雨。這時節也正是播種後期的小米，所以人們總是按雨下的時節來栽種作物。 　　也許因為水分充足，田間也紛紛冒出蕨類的新芽，因此，此時期小米田的除草，即在拔除新長的蕨類，我們稱為psgirin。 　　山櫻花會長小櫻桃，小時候，我們會做一組長杯子與竹筷，並將小櫻桃放入杯中，取竹筷子cux ! cux! cux ! 的打爛小櫻桃之後，吸取沾在筷子的小櫻桃汁，其味酸、澀、一點甜甜的，還不錯吃喔！