Sama qudung

Pnyahan Wikipidiya

Sama qudung (光果龍葵)[smmalu patas | ida npatas sspgan ka smmalu patas]

File:Starr 010520-0074 Solanum americanum.jpg-Sama qudung (光果龍葵)

Uuqun sejiqun alang “sama qudung” ksun ga, ida mnhru nanaq, uxay pnhuma. Smkila ni qtaan ana inu ka sama qudung. Nspriq ka sama qudung, yabi hari 30~120 cm ka knparu hnygan na.

Rbagan do tmphpah embhgay ciway phpah, yabi 4~10 hari pphpah gaga mseupu, saw bi bubung qnpringan qtaan. Tmghiyi mpajiq mquru, mhada do mkliyuc ka rakaw na da. Smnru ka kari o ida tduwa uqun kana ka hiyi na ni wasaw na msa. Ita Seejiq o ida wana wasaw na ka sqtun ta, shapuy qsiya ni mahun ka bgu na, uqun ka wasaw na, ida ini kuxi mkan ka tnghiyi na.

Pnmaxan mhapuy idaw rumu masu ka sama qudung o, ida kuxul bi mkan sejiqun alang, msaas ni mpajiq qtaan, malu bi qtaan ka lhang na. Kingal uri o gmaxun dha mhapuy mdngu qsurux puyaw ka sama qudung, ida malu bi mahun ka bgu na, malu bi skanan ka wasaw sama na.