Sama balay
Sama bale/ Sama balay/ Sama balay(山萵苣)
[smmalu patas | ida npatas sspgan ka smmalu patas]Sama balay ga dmatun bi mkan nhapuy sejiqun alang seuxal, yaasa lxan bi qtaan ana inu ka sama balay nii. Kiya ni asi ksi “sama balay” rdrudan ka hangan na da.
Qmuru sama balay ga ungac hiyi ka kska na, sbiyuq tkuyun ka sama balay nii, embhgay ka biyuq na. Alang dgiyaq daya sbiyaw o ungac brigan ka uuqun, ungac bi brigan ka snalu uuqun tnbugan uri. Kiya ni sejiqun klealang o musa smqic lxan qtaan na sama balay stabug dha tnbugan sapah, kiya ni “sama bibi” ksun dha uri.
Ita Seejiq o wasaw na ka ktuyun ta, asi hpui qsiya, mahun ka bgu na, skanun mkan ka wasaw na. Rdrudan sbiyaw o gmaxun dha idaw rumu masu, uxay uri o idaw rumu basaw.
Nasi mnarux ni snawan ka hiyi o ida musa miing sama balay, hpuyun dha qsiya, mahun dha mtalux bgu. Iyux dha pdaun sminaw bgu sama balay ka iraq, stmring hiyi dha, skltu dara dha.