Rungeung

Rungeung (山黃麻)

Ngayan qhuni ka rungeung nii, qhuni rungeung nii we leexan riyung ngungalan, ado ka hmeru ssiyo deriq ma ayu alang ma, ani knuwan saan gmeyu ge niqan. Kika qbulic qhuni rungeung nii ka ngalan miyan mpbhege ware ttinun ka yami Seediq, rudan rungeung nii de mqhuni paru duri denu, malu riyung srehaq duri.

Mpbhege ware（白色染料）

Cbeyo we uka miyan iyu mpsrako ware ka yami Seediq,ani si niqan knkela na ka rudan miyan, meniq ka ware bhege we snpuwan daha hmanguc qbulic rungeung. Mosa gmeyu qhuni rungeung mdengu hayan ma pthuun daha, sliyan hii ka qbulic na ma spuun hmanguc qbulic nii ka nuqah qnqihan, kika mbhege ka nuqah qnqihan denu.

Rako ware nSeediq（本族麻線的顏色）

Rheqan ka rehaq na rungeung de pthuun mesa duma rudan ma, ani naq ini rheqi mesa ka duma rudan, anu ka qblic rehaq na ka rmabang bhege hnungedan na mesa. Rako ware miyan cbeyo we teru ba klegan, kika bhege, tanah ma qalux, ani si niqan ka mgsama duri mesa ka duma rudan. Rako tanah we nungalan tpelaq, rako qalux we knrebu dheran mqalux, meniq ka rako mgsama we nungalan waso sero.

Pteumal pptasun(參考資料)

Tiwas Pawan、Iwan Lawa、Seta Iban ma Robo Pihu ka smneeru Dakis Pawan ka smnnetur