Riso ma quyu
Riso ma quyu
[smmalu patas | ida npatas sspgan ka smmalu patas]Tutuy ku mgrebu, bobo mnekan nami ido mgrebu daha ka tama mu, mapa miyan tokan ma slmadac ma gapi. Taapa nami otobai(日) musa nami neepah baro, egu riyung pnhuma na hei qhuni ka tama mu. Niqan kingal behing saan daha mtaqi uncuun ka tama bubu ma lqlaqi duri.Tgsaan na meepah lmiqu ka lqlaqi tama mu, aso ini kbserux ka lqlaqi; mdrumuc muuyas, ini sluhe mimah sino ma mekan tmaku. Bobo miyan mnekan ido ceka naali, skgulan ku na musa pusa qapi ka tama mu, uxe theya duri, ssiyo ba neepah miyan, biqan ku na qapi ka tama mu, musa ku ma, skadi ku qapin camac ma tlikic ka papak mu pheyu ku qhuni ma smalu ku qapi. Mhedu ku ma mheyu ku, mita ku qapi mu, sklui ku paru, gaga tsebu hiya ka kingal quyu trasi, ini ku na qyuti, kika mangal ku btunux, wada mu pnhqilun hiya ka quyu di. Meyah ku behing, spneeru mu tama mu ka ndaan nii. Mesa ka tama mu, mesa tama su rudan:”asi ka naqah seediq qyutun quyu mesa”, malu utux su, malu naq ndaan su, kiya ini su qyuti quyu naqah.