Rbuqil
Rbuqil(臺灣梧桐)
[smmalu patas | ida npatas sspgan ka smmalu patas]Mtuting wasaw na mi beyhing bay qhuni ka rbuqil nii, mniq cida qhuni u skkingal ka wasaw na, bbaraw bay ka rabu wasaw na mi bukuy wasaw na niqan ubal, so hari hnyuwan balung ka hiyi buuc na, mhada daw mcbac dha da, mniq mdakal haypa ckcka mi llbu ddwiyaq lmiqu paru wasaw qhuni hiya.
Pusu balay phmaan kluwan qhuni Taywan ka rbuqil nii, ini biyaw mdakil ka qhuni na, knmalu qtaan ka phpah na, sdhriq bay, adaw ka mhnuk bay ka qtinuh na, niqan bay ddaun na cmiyuk mqhuriq, hmtur puniq mi sbrangan, ou balay u ngalan dha musa mstrung na tansu mi truma psanak qqiya kulu skuun qqiya, mi knmalu bay qqiya keyta…dnii, kiya ka qtinuh na ngalan dha phiyu sapah, qqiya lubu mi qqiya sapah, kiya uri u ita sediq qrtun dha ka qhuni nii, smluun dha kulu walu, dhung…dnii, kiya ka qhuni nii u kari bay rrihan na mi ou bay ddaun niya.