Quri gaya kndsan Truku

Pnyahan Wikipidiya

Quri gaya kndsan Truku 太魯閣族生活禁忌

1. Smiyus shuqil 招致死亡的咒語[smmalu patas | ida npatas sspgan ka smmalu patas]

Mttraqil ka msddungus ni qmada qnqaya,smiyus shuqil ka nii.

Mkeekan ka msuwayi “Asi huqil” msa ga msskagul(smiyus shuqil).

Tsqiun ni rmangay ka laqi o smiyus shuqil

Tgqsuqi tgblaiq ka kndsan o smiyus shuqil

2. Tsiyus 招致反常的咒語[smmalu patas | ida npatas sspgan ka smmalu patas]

Tsiyus kndakil ni qnsjiqan ka laqi.

Tsiyus kndakil ni kntuy ka pnhmaan.smiyus aangal smsamat.

3. Smiyus sapah 對居家咒語[smmalu patas | ida npatas sspgan ka smmalu patas]

Mtmay sapah ka quyu ni mtali qbhni miyah meuyas knuruh sapah ka hghug, pghug,ciyaqung ni tbaqa, qmita utux ni ssgan utux

4. Quri psaniq 禁忌[smmalu patas | ida npatas sspgan ka smmalu patas]

Gaya kndsan Truku ga psbyaxun bi rmngaw seejiqun

Ka gaya, dai bi murug ka gaya hnci rudan,kika aji pshgun

utux,mangal sbliqan ni mha lala bi samat ka ngalun dha

uri.

Psaniq sun o kari mnhuling ni naqih nuda, pdhuq hyaan pnsahug ni aji meangal samat uri.

(1) kari smiyus o aji malu, kiya o“asi huqil da”, “Hyaun ka puniq ini slug nii da.” ,“Shuqil ka musa maduk”, “Naqih niqan ka sapah”, “Saw manu ka utux rudan da ini ku snhiyi ka yaku”.

(2) kari saw maduk o saw nii, “Qtai kuha﹗musa ku maduk sayang o, ida mha lala bi

napa mu.” ,“Kingal bi napa na bowyak o manu ka kiya, maxal ka naku apa mu ga.”, “Seejiq babaw dxgal nii o ungat ka mgkla kngkla tunux mu.”

(3) kari kmguraw o saw nii “Ah! akay bi da, akay uwit wah!” ,“Aji ku da! ungat

kana brax mu da, ungat yaku nii da.” ,“Aji ku mowsa yaku ka maduk! Saw bi smeisug wa!”. Rmnaw saw nii kari ka seejiq o asi bi klai mdawi, miisug, Inipnsbut ni psparu bi lnglungan.

(4) Quri uqun Tunux, dowriq, pahing, balung, enduk, ngungu,wawa mniq enbuyas,muyak siida psaniq ksun tmngahan wawa embulang o saw wawaqowlit, brihut, rqbux, rapit, qbhni saw ini hrii ubal niya na.

(5) Quri hangan qngqaya snaw ni kuyuh. Ini bi hmci rmngaw ka nii,nasi rmngaw o saw nii, nkuyuh o “psaniq”ksun, nsaw o “qngqaya ”ksun ka kiya.

(6) Quri hhuqil Niqan mhuqil ka seejiq siida, kana alang o kingal jiyax ini latat, mnbasi ni uusa mdkrang o lmawa 1 idas

(7) Quri hnqilan seejiq Mhuqil ka seejiq o jiyax siida skuun bqrus na . mhuqil kaeman o sgrbu bi musa smku. siida o mnbasi ini ekan ini imah

(8) Quri tnbgan Qmqugu gbiyan ka tama rudux. Mkan mnhuqli hiyi seejiq ka huling Mnraqil ka babuy o puweela papak ka tmbru ni mkan bru na ni mkan rudux

(9) Quri mgdurug Mgdurug ga 3 idas ini tduwa musa dgiyaq ka kana ruwan sapah ni ini tduwa saan mahu ngangut ka gndrugangndrgan. nii o seiyah bgihur paru, 1 idas ini tduwa musa buyu ka snaw, seiyah bgihur paru,

(10) Niqan mnarux Niqan mnarux ka seejiq o ini tduwa tmayun, asi ka madas tahut kika ini prana mnaru msa, Ini tduwa uqan ka snyusan(pnuda)paru mnaru

(11) Quri tmiyu Quri tmiyu ga tmiyu mquri dseejiq o tduwa, kiya ka kiya ni ini tduwa ciyuan ka hakaw utux skpudung tduling

(12) Bisi Bisi ga phqilun ka seejiq o hmici rmuba ni sapah na uri ni rmuba phuqil hyaan, seejiq pnjiyalan o ini tduwa embbakal,mnarux siida o embasi ni mhuqil.

(13) Suluh Suluh ga mstrung ka hrmadan o kika msuluh ksun.paru bi psaniq, mhuqil siida o tqrngul tbngux, lqlaqi dha o mgdma ni tgrangi hari ni sliqan utux ini tduwa tgxalan mkan ka pntrian dha

(14) Ruba Ruba ga tmraqil rudan ka laqi o hcian utux rudan(hmici rmuba ka rudan), empunu ka empeina o ruba rudan ini prihi ka gneguy o rbaun rudan

pnyahan kari[smmalu patas | ida npatas sspgan ka smmalu patas]

資料來源: 口述Yudaw Pisaw 2001