Quri gaya hadur

quri gaya hadur 馘首宴的規則

Mangal tunux siida, ngalun tunux ni seangal btunux prqun ka tunux pais, ngalan ha ka luqi na ni snagan, kika dsu sapah da. tai saw empdhuq sapah do mlawa da, kingal tunux o pxal mlawa. Nasi aji mlawa o msqar puniq da, embhang saw nii ka kana seejiq alang dga, asi usa pririh lukus kana ni musa smtrung mnangal tunux nii. Kana seejiq mnarux o musa smtrung hiya ni pkmlii nami haya ka mnarux nami msa mgspung hyaan. Kiya do o managal pucing gnaliq na tunux pais ida ki dara sgkuwa na babaw tunux seejiq mnarux, kiya do malu ka mnarux dha da, (ki knmalu na hi siida.) sinaw mahun mnangal tunux nii ka spiimah na mnarux do malu ka mnarux dha da. Ana pnaah isil alang ka mnarux o gkwakan na harung hniru dha do malu mnarux uri.Babaw nii nngalan dha ka tunux pais o dsun dha sapah mnangal tunux, dhuq alang sapah na do, miyah kana ka seejiq tnalang hiya, kika miyah mkan hadur hiya ni rmgrig, mimah ni meuyas kingal knmanan.Saw saman dsun dha ka tunux pais muda kngkingal s apah kingal rabi mnsa mangal tunux mqaras,rmgrig, mimah ni meuyas duri. Nhdaan bi do dsun dha ka tunux pais ni musa sapah bukung da, siida do kana seejiq tnealang hiya o mgay babuy ni samat uri, Kiya saan dha mseupu mqaras hiya mkan ni mimah sinaw bitaq mk4 jiyax. Prajing bi sknux do saan dha smku paga skuan tunux han, babaw na ungat knux do, tqrian dha sagu masu, gaga tqrian tunux hiya ka masu ga kika ngalun emu ssapuh mnarux. Burux smbrangan bneytaq pais o tqrian dha emu masu ni kika ngalun dha emu masu ssapuh uri. Ma ksun hadur o dgdhadur mkan, nii o ana ququ mkan lala ni mimah lala, mnlala mkan kika ksun “Hadur”. Wana mkan hadur nii ka mnlala mkan.

pnyahan kari

資料來源: 耆老Yudaw Pisaw Iyuq Ciyang 2015