Qngqaya djiyun qmeepah dxgal ni gaya

qngqaya djiyun qmeepah dxgal ni gaya 農具

Suqu snalu qhuni Parih snalu qhuni btug snalu djima Pusu bi qngqaya djiyun qmpah dxgal rudan Truku sbiyaw o dmuuy snalu dha qhuni kana, sida qhuni o smluun dha parih kkari dxgal, suqu snalu qhuni djiyun pshnuk dxgal, btug snalu djima jiyun dha kmtuy masu, ngqaya xiluy o snduray hari do dmuuy sowki ni pucing ensaan dha riyux samat seejiq Klmukan kida. Qtaan ta saw nii pracing bi o qmpah dxgal rudan Truku sbiyaw babaw mhdu mtbiyax qmpah dxgal do kika musa tmsamat da. saw nii kana ana manu qpahun o dmuuy biyax hiyi dha nanak.

Dmuuy suqu muda pshnuk ka dxgal,babaw na do daan dha tmukuy masu dni psblayun dha bag aka tnkuyan masu. Truku mkBaraw o mn2 tmukuy ni kmtuy ka kingal hngkawas, kiya o 2, 3 idas o tmukuy basaw,7, 8 idas do muda mhug basaw. 7, 8 idas tmukuy masu, 10, 11 idas do saan dha kmtuy ka masu.da. Kiya ka kiya ni Truku mkSiyaw o ini tduwa tmukuy basawka dhiya manu saw kiya do mn2 ga tmukuy masu  nanak ka dhiya. Kmtuy masu o mdka bi dmuuy btug(snalu djima)ka kmtuy masu.

Nngalan dha ka basaw aji uri o masu ga ini dha asi psai rpun han, psbhurun dha sbsuk rpun pdnguun dha hi han, mdngu do kika psaun dha rpun. Bunga anan knuwan phmaun dh aka kiya.

Gaya kndsan mqeepah ga saw nii 農耕規則

1. muda tmuky ni kmtuy siida, ana snaw aji uri o kuyuh ga ini tduwa tmlung krig, ini tduwa qmnuqih ni tminun qabang uri.

2. muda tmukuy aji uri o kmtuy ga ini tduwa pnbaraw quwaq empprngaw,ini tduwa mkeekan kari, duri ni rmabang bi ini tduwa pcsiyus qmci aji uri o msngut ka mniq ska qmpahan siida.

3. jiyax kmtuy masu siida ga ini phngi ka tahut sapah.

4. kmtuy masu siida,nasi niqan seejiq ga muda nksaan masu ga asi sangay miyah sapah han, saw saman musa prajing kmtuy duri.

5. kmtuy masu siida asi sgnaah klbus mquri nksaan.

6. kmtuy o ini tduwa dmuuy snalu xiluy, dmuuy btug snalu djima.

Paah saw nii qtaan ka rudan Truku sbiyaw ga mseupu bi ida nkiya llingay ka kndsan dha.

pnyahan kari

資料來源: 維基百科

口述耆老 Iyuq Ciyang 2015