Qmlahang lnglingay

Kndsan ta knxalan sayang o asi ta ka msupu bi kana muda qmlahang kmaraw niqan ta kana lnglingay. Kiya do kika malu qtaan ka nii ta niqan elealang . Embrax kana ka hiyi ta ni ini ta sdali ana manu mnarux. Nasi ini shaya do htngayan sburaw sudu, ruciq, ana manu kkkuwi, rngji ka lnglingay ta da. Naqih bi qtaan ni pngalan ta ana manu mnarux hiyi ta ni mhuqil ta da. Saw kiya ni pusu bi spruun muda ka qmlahang lnglingay nii. Huya ta ksun muda ka qmlahang lnglingay hug? Tgkingal o kmbiyax ni kdrumuc(kdrumut) ta smksik kmaraw kana kska ruwan sapah ni nganguc(ngangut). Endwaun ta smkul ni mkug ka kana qaya. Hadun ta rulu(ddruy) muda mapa sudu kana ka enjiyan ta sudu. Ini ta humuc(humut) qmada ana inu. Duri ni kdrumuc(kdrumuct) ta trima hiyi, baga ni hnligan. Qlahang bi ka hiyi ta ni qsahur ta