Qhuni Paru Dgiyaq Tmpupu

Pnyahan Wikipidiya

Qhuni Paru Dgiyaq Tmpupu (奇萊山的大樹)

Sbiyaw balay, mniq ska“ Dgiyaq Tmpupu(Dgiyaq Klbiyun sun uri)”hiya ka paru balay qhuni. Paru balay snsagan na ka sida ni rnabaw niya. Ana jiyan o yasa ssagan sida ni rnabaw na ka lhbun na o mnkuung mdka saw keeman ka jiyan. Wada niqan 1 jiyax, sriyu paah truma qhuni ka 1 mneudus 4 papak ni ubal kana ka hiyi na. Smnegul na hiya ka sriyu 1 o mneudus niqan bungu ka baraw na ni mdka saw pungu qhuni taan, niqan 2 gamil ni 2 sida na ka paah baang. Duri ni sriyu paah baraw ka 2 mneudus, lqling bbaraw bi ka 1 ni ini tduwa mksa, 1 do ini tduwa mksa dxgal ni skiya, dnii o kika samat, seejiq, quyu, ni qbhni. Sriyu paah baraw o mtduwa mniq qhuni baraw, kiya ni sriyu paah truma o ini tduwa mniq qhuni baraw, kika ini pndka ka kndsan seejiq , samat, quyu ni qbhni. Ana ya snriyu paah qhuni ka 4 klgan nii o, ini pseupu yaa wada piya idas, wada niqan 1 jiyax, empprngaw ka dhiya nii,“Paah sayang, niqan saw mneudus uqun o uqa ta ni kdsa ta”mkksa.Kiya do paah siida, smpung mkan saw uqun dha nanak ni meudus ka dhiya. Babaw na nii, snriyu paah lhbun qhuni ka 1 snaw nii o paah hiyi niya sriyu ka 2 laqi, kiya o snaw ni kuyuh. Mdakil ka 2 laqi nii ni mstrung msdungus da. Mtucing 1 ka laqi dha ni malu bi kndsan dha. Mrana paah hini ka Truku msa ka rudan Truku sbiyaw.

pnyahan kari[smmalu patas | ida npatas sspgan ka smmalu patas]

口述 Iyuq Ciyang Iyang Taying 2015

秀林鄉志2006