Pusu uqun Truku

Pusu uqun Truku (太魯閣族主食)

pusu bi uqun Truku sbiyaw o bunga, masu, basaw, pgu, phmaun dha ska dgiyaq. Bunga sbiyaw o prparu ni malu balay uqun,mnkan bunga ka Truku sbiyaw o bi mqqowduh ni embbrax balay ka qbubur dha, masu daun o uqun kdjiyax, gmaxan pajiq qulung ku idaw masu o rmabang bi malu uqun, masu dhquy o masu nrayray sun uri, hlmaun uqun smiyan. masu nbaqu o psnagun ni mahun dha niqan daun mqaras, basaw ni pgu o dagun suyang bi uqun uri, kiya ka kiya ni yasa mdka kuwi bilaq balay ka dmux na do, gmaxun dha mhapuy masu, basaw da.Saw balay smkrawah ini dha phmai ka basaw ni pgu saying da. masu o niqan bi brian sbrigan alang paru sayang, kiya ka kiya ni mkaray bi brigun ha. Bunga nuduh ka sbrigun seejiq Klmukan o mkray bi, kingal o niqan 50 pila, kingal lnbuan yaa bi 5 ka bunga, kiya o 100 pila. Lmnglung ku ka yaku o naa ta bi mhuma bunga ni tmukuy masu sbrigay ta kkrana kndsan ta.

pnyahan kari

• 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.