Pgu

Pegu/Pu/Pgu(紅藜)

Sbiyaw ka Truku ga pgu nii o kingal pusu bi kndsan uqun. llbu bi qhuni ka hnigan na, seysay na o bbaraw bi, mhada do o paah pusu na qhuni embanah bitaq embanah ka seysay na suyang bi qtaan, saw bi rngayun qtaan ,kiya ka kiya ni mdka kuwi aji uri o mdka saw qtahi qnbilaq ka dmux na. mkmkan o asi ka tkanun, yasa mqsuqi bi bilaq ka dmux na asi mtqriyun qabang ka quwaq duhung, kiya ka ini tbus msuwiq ka bawax na da, dagun ta o asi ka gmaxan buwax masu mhapuy, srmuun ta mhapuy o kika suyang bi uqun. Kiya ka kiya ni saw balay sngkrawah Truku sayang do ungat ka pruway mhuma pgu da.laqi sayang ga manu ka bgu o ini dha klai d uri da.

Pgu ni o kiya ka pusu bi uuqun rudan ta sbiyaw, plmaxun dha mhapuy payay buwax, masu, dhquy ni sari ka sjiqun. Lbuun dha wasaw djima, quru djima, uxay uri o sluun daha sinaw balay. Duri o pspuun daha udungko muduh ni dmatun dha nhapuy. Kiya uri o, mbiyax bi mipix narux ni pkmalu narux.

Kana ka kngkwas o tduwa phuma pgu kdjiyax, mdungus bi phumaan ana naq ungac qsiya ka dxgal o tduwa hmaan pnegalang. Ita Seejiq o pspriyux mhuma masu ni pgu, iyux saw psduwa pkmalu ana dhuk knuwan ka dxgal gaga ta nniqan sayang.

Pnyahan kari(參考資料)

• 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.