Pakaw karic(高粱泡)[smmalu patas | ida npatas sspgan ka smmalu patas]

Mntna bi qtaan saw pakaw rhnuk ka kklgan niya, msdrux mhiyug ka tarux, niqan ubal rungay ka hiyi niya, mskudus ka wasaw, niqan kruc ka lipxan na, niqan rigiq wasaw.

　　Mudus mniq kgaran na babaw yayun dgiyaq, ayu, driq elug saan sasaw qcilus qhuni bi isil bbuyu bi brnux spriq. 　　Uqun sunan kkjiyax ka hiyi niya bi malu sruwan sinaw uri. Snpual spawda mangan pgaya dha smapuh bi smiyus qnpahan seejiq ni, saw ka mniq kbusan nhmuk o mangan bi pusu wasaw spuyusan na smapuh seejiq, niqan bi pkmalu utux bgihur, dahung, psduq dara knan;　ngalan dha smalu abura sdhriq tunux uri. Wasaw bi tarux bi pakaw niya malu ngalan sapuh lmau utux dmahur mkan, yasa saangal na skbiyax qbubur dseejiq. 　　