Nsgan Husing

Nsgan Hu-sing o kika sun kingal alang kklawa nyusan Towing Klwaan Cikuku. Gaga mniq tgtruma nklaan hidaw nyusan Towing ka hiya. Gtgut na tgdaya o nsgan Tasi. Gygut na nklaan hidaw tgdaya o nsgan Sansiya ni nsgan Uray nyusan Bgurah Tayhuk. Ptlutut nklaan hidaw tgtruma do nsgan Tatung nyusan Iran kida. Ryaxan hidaw tgtruma ni ryaxan hidaw tgdaya do msgtgut nsgan Ciens ni nsgan Kwansi nyusan Singcu kida. Knlbangan na o 351 m2.( ida bi dha tnegempituan kmlbangan nyusan Towing ). Knhbragan hiyi sjiqun na o kingal drmax dha kbuhug. Kika sun llabang bi ka dxgal, blbilaq bi ka sjiqun ni alang tghghaw bi sdseejiq na ka hiya. Tndxgal hini o kika sun seejiq tnpusu seejiq Bgala Taywang.

Murug《Gaya kklawa alang》o nsgan Husing gaa alang skangki nanak seejiq Tnpusu ka hiya. Pniqan tmtmaan na seejiq gaya nkana qmpringan alang kklawa nanak. Ini pndka dduma nnsgan nyusan Towing ka hiya. Asi ka sduuy saw mddka nnsgan ka biyax kklawa nanak alang. Qpahan nsgan Husing o tduwa nanak qmeepah uuda kklawa hiya nanak ni aji qpahan snkgulan qpahan nyusan Towing ka hiya. Phiyug qmpringan dmririh nsgan Husing kika sun smmalu gygaya uuda kmlawa nanak.

Endaan

Hangan smudal o 「Cyawpansan」. Klwaan Nihung siida alang seejiq Tnpusu nsgan Tasi nyusan Singcu. Bukuy tnegjiyal do rajing tmhnganun nsgan Cyawpan.

Pnyahan hangan alang

Maxal maspat maspat kmxalan mataru hngkawas siida, miyah qmita hini ka Ryumincwan.Qtaan na ka dha sipaw breenux yayung Takukan o mdka bi qcinuh tru muhing. Manu asi tmhngani Cyawpansan uri da

Klwaan Cin siida thnganun Cyawpansan ka alang nii. Dgiyaq nii o Pyasan sun kari Bgala. Pusu pngkla na o nniqan ryuxan qngqaya msa. Kingal thnganan kari Bgala duri Pyasan(比亞山) msa o pnaah kingal ngahan bukung alang Bgala. Klwaan Cin siida, tnegjiyal dha mrata Cin ni wada mhuqil. Manu csdamat hyaan ka seejiq alang ni asi duuy ngahan na tmngahan da.

Klwaan Nihung siida, qpahan mdudul o ini dha baka ka seejiq tnpusu. Asi dha si Cyawpansan ka alang nii da. Mdka qcinuh qlqahan sun dha smbilaq smngahan. Klwaan Nihung siida hana sriyu ka ngahan Cyawpansan nii . Saw ka Riyumincwan ka tmngahan msa o ida bi kari dha nanak kiya.

Maxal mngari mrimal spat hngkawas maxal idas mtrul kingal jiyax siida pryuxan nsgan Husing da. Qtaan ta ka singbung siida,「Ssqaras dha pncingan Thulang Klwaan ni pteura mgkala pxal duri ka Klwaan」kika mnda pprngaw ka qpahan nsgan ni sbgay dha qpahan nyusan ssruwa. Siida uri, tgbilaq laqi ptasan Cyawpan wada ryuxun tgbilaq laqi ptasan Cieysow. Gmaaw pncingan Ciyang Cun-cen siida sduuy ka ngahan nii. Empusal maxal spat hngkawas maxal dha idas empusal rima jiyax siida, nyusan Towing wada ryuxun alang paru Towing ni nsgan Husing do wada ryuxun alang Husing kida.

euda mangal duri hangan

Empusal maxal spat hngkawas powsa kari ka 「Qmpringan uuda qqpuruhseejiqTnpusu Taywang」ni ryuxi 「Piyaway」aji uri o 「Piyasan」ka hangan msa. Plealay bi duri o niqan ka ryuxi ta 「Cyawpan」msa ni ini sruwa kana ka sdseejiq alang.

Niqan bi ngahan knkla kndsan

Ulay

Klwaan Nihung siida, hmnlay rima nniqan ulay ka nsgan Husing. Hangan dha o ulay Sring, ulay Sinsing, ulay Kawyi, ulay Hakaw Parin, ulay bilaq Uray. Ssmalu elug qsiya siida, wana ulay Sring ni ulay Sinsing ka ida gaga hiya ni tru na da o wada rbngun kska ayug kida. Hlayan maxal mngari mngari kmxalan empitu hngkawas siida duri ka ulay Hakaw Parin ni thnganun ulay Yeyhn kida.

Knhbragan hiyi seejiq

Pspgan bitaq empusal empusal kingal hngkawas kingal idas bukuy bi, knhbragan sdseejiq nsgan Husing o kingal kbuhug empusal tru kbkuy maspat kmxalan hiyi. Knkyuxan na mtrul rima hiyi Km2. Bitaq sayang, mataru ka nsgan seejiq tnpusu klwaan ta o hiya ka hhbaraw bi sjiqun ni tgkkiyux bi uri.

Kska alang paru Towing hini o hiya ka hhbaraw bi sjiqun ni psdkaan snaw bi kuyuh tgbaraw bi uri. Kska Taywang knkana alang o tgmngari ka knhbragan na kngkingal sapah.

Endaan hngkwasan kmpryuxan knhbragan hiyi seejiq

Spuun pspug rima hngkawas(Nhddan bi empusal maxal rima hngkawas～nhdaan bi empusal empusal hngkawas) mrana maxal spat kbkuy empusal spat knhbragan hiyi sdseejiq. Knkrana na o maxal tru drmax ungat tru tengkbkyan. Hiya o kika sun tglikaw bi krnaan na knhbragan hiyi sjiqun kska alang paru Towing hini. Knkana nnsgan kska Klwaan do tgrima tgbrah ka knkrnaan na hiya.

Pdkaan dduma nsgan eseisil krnaan dha hnhbragan hiyi sdseejiq ka nsgan Hu-sing 

Empusal kbkuy empusal kingal hngkawas kingal idas siida, knhbragan hiyi sdseejiq nsgan Husing o hmrinas nnsgan Riukuey da. Bitaq bi nhdaan empusal kbkuy empusal kingal hngkawas kingal idas siida, knhbragan hiyi sdseejiq na o hmrinas nnsgan Riukuey mngari hiyi.

Bnkgan alang

Klwaan na truma o niqan maxal elealang.

Alang tgbrah dgiyaq

alang Sanmin

alang Cansin

alang Kueyhwey

alang Siyayun

alang Cjen

alang Isen

alang Rowhu

Alang Tgbukuy dgiyaq

alang Kawi

alang Sankwan

alang Huwarin

Niqan ngahan nhuma

Rima idas qlupas

Qlupas biyuq

ngiraw

lxi djima

apu ssibus

Pnyahan kari(參考資料)

[[Snakun:Truku]] ==