NTruku-Snruan knparu seejiq

nTruku-Snruan knparu seejiq(太魯閣族－巨人傳說)

Ida nniqan seejiq Truku sbiyaw, niqan kingal bowqah ni paru seejiq. Mmawey ka hangan na. Sntama ini biyaw ni paru qangaw na nanaq ka seejiq bowqah nii, mluhay gmeeluk bnqrus ensaan mhhraw tmsamac sjiqun, kiya ka kmsiyuk lnglungan dha ka tnpusu da, hksaw musa lmiqu tmsamac ka thiya. Manu ka seejiq bowqah kiya do wada mliying bukuy isil tgiyaq, tmaga muda ka tmsamac. Kiya ka siida do ida gaga tahu puniq sqama psramal dha mqurug qrari, mseupu skbyaxan dha smikul truma dgiyaq, embbiyax rrisaw isil o mhraw paru tasil isil o kleelug lmawa: “Wada truma da! Sai nhari mhraw wah!” thksaw bi gaga mhraw tmsamac. Ga na qbhangan ka hnang embbiyax rrisaw hnang lmawa ni hnang wada trutu truma dgiyaq ka paru tasil, seejiq bowqah mrawah paru quwaq na ni hma sdahar babaw tqiri elug dgiyaq, psramal asi mntxal qmubu miyah mquri hini na tmsamac. Ima mkla, asi lux niqan kingal mtalux qyqaya mrmux ruwan glu na, mknrisuh dxgal mnarux ka seejiq bowqah, hici do trutu dhuq isil na gsilung HwaTung, rmbngan kska gsilung ka qbubur na, wana msngari dha qaqay niya smriyu babaw gsilung, snruan kari o kiya ka Ranyu ni Luitaw sayang da, ini pntna ka kndusan kingal seejiq bowqah wada saw nii mnhdu da.

Pnyahan pnatas(參考資料)

Tnhjil kari seejiq na Lubi Pingaw(高玉美).