Mtgjiyal Alang Paru
Mtgjiyal Alang Paru 新城戰爭
1. Nii opnhiyug thowalng Nihung1915 hnkawas babaw mnhdu mtgjiyal yahandha lmnglung thmuku mrata Nihung pnhuqil Truku.
2. Nii o 1937hngkawas prihan dha smmalu qpras ka sapah yahan dha lmnglung thmuku.
Mtgjiyal Alang Paru 新城戰爭
[smmalu patas | ida npatas sspgan ka smmalu patas]saw ka nkari rudan ga hana balay miyah kmlawa nklaan hidaw dxgal Truku ka mrata Nihung, ini dha klai ka gaya kndsan Truku, duri ni hmut smeeliq gaya Truku hnci rudan sbiyaw uri. kiya o saw ka dmuuy kari Nihungt ini klai embahang mhulis msaang ni mangal rangi Truku, hmut muda gmeeluk dxgal ni pnhuma. Paru bi nuda dha smeeliq gaya Truku ka mrata Nihung ga smeeliq kuyuh Truku. Mssli saw nii lala balaynuda dha saw aji skxlun qmita rudan Truku, qmqus lnglungan dha kana ebbiyax Truku dni, musa kmrmux mrata Nihung mniq Alang Paru hiya. Kika peiyah mtgjiyal Nihung Alang Paru ka Truku.
Mdka bi saw nii ka kari empatas endaan ,rmngaw ka kingal empatas patas endaan Truku Rwan Lung ka hangan na, seejiq Klmukan ka hiya, saw nii rmngaw,smeeliq gaya Truku ka mrata Nihung o paru bi mqnuqu nuda dh aka kiya. Kika pusu stgjiyal dha mrata Nihung kaTruku. rmngaw ka rudan Truku Yudaw Pisaw ni Iyang Taying nuda smeeliq kuyuh Truku ka mrata Nihung o paru bi smeeliq gaya Truku,ini bi sruwai asi ka phqilun ka nii msa.
Mtgjiyal Pratan 三棧戰爭
[smmalu patas | ida npatas sspgan ka smmalu patas]Manu saw kiya 1896.12.23.ska bi hidaw pida bi ga embbulang sbaang mtaqi ka mrata Nihung, saan dha kmrmux phuqil kana 23 hiyi mrata Nihung mntaqi hiya.Mskluwi ka thowlang Nihung, 1897.1.do smkagul duri mrata ka Nihung mowsa Alang Paru qmita pnhuqil Truku ka mrata Nihung,kiya ka kiya ni strngun ebbiyax Truku ni wada dha phqilun kana ka mrata Nihung, nii o “Mtgjiyal Pratan三棧戰爭” ksun.
Mtgjiyal Qowgan 加灣戰爭
[smmalu patas | ida npatas sspgan ka smmalu patas]Msaang bi ka Thowlang mrata Nihung, kiya do 1897.2. smkagul mrata 1737 hiyi, kska hi o niqan 500 hiyi ka embbiyax seejiq Sbnawan dmayaw mrata Nihung miyah mkan Truku,duri ni mlawa 2 asu mrata paah gsilung smbu qowngu dgiyaq Qowgan alang Truku, strngun mkan embbiyax mqqowgan ka mrata Nihung ni hbaraw bi mrata wada phqilun hiya, nhdaan bi o wada qduri kana ka embbiyax Sbnawan, kika “Mtgjiyal Qowgan加灣戰爭” ksun.
Mtgjiyal Pratan ni Mtgjiyal Qowgan o ida lmutut Tnjiyalan Alang Paru. Yaasa ini tgiyal.
pnyahan kari
[smmalu patas | ida npatas sspgan ka smmalu patas]資料來源: kari rudan Truku Iyang Taying, Yudaw Pisaw 2004
秀林鄉志 2006