Msegasut

 msegasut 祭司

phiyug sapah brah na ka msegasut 祭司蓋屋前的責任

phiyug sapah brah na o asi ka kmeaguh msegasut gmdara rudux smapuh, rsuhan na dara rudux kana ka qngqaya djiyun smmalu sapah, kika hana prajing smmalu sapah da. Murug gaya Truku sbiyaw ka smapuh rusan na dara rudux kana ka phyugan sapah, duri ni pgblaiq, skbiyax hiyi ni aji hyyuya kingal ruwan sapah.

mnhdu smmalu ka msegasut 祭司蓋屋完工的責任

Mnhdu smmalu do Kmeaguh duri msegasut murug gaya Truku gmdara kingal bubuy muda mqaras mgay smapuh, msegasut o daan na hmirit cicih kana keelgan hiyi babuy, lbuun na rnabaw tamul biqan na tnpusu sapah ni saan na gmqi uyung tqring dnamux, saw nii meysa utux rudan pqblaiq ni aji hyihuya kingal ruwan sapah.

ida nkiya ni Truku sbiyaw 以前太魯閣族與自然

Ita Truku sbiyaw o smparu bi kana hmut mneudus ida nkiya, qngqaya smluun sapah o asi angal qhuni lnglingay sapah, erut o qrul, miying keelgan qhuni ka ngalan dha knuruh gasil,gmbari, sbiyaw balay ka dnamux o kurut aji uri o tapaq btunux, qnabil o tntunun dha meiluq sida qhuni smmalu saw nii sapah o Truku mkBaraw, Truku mkSiyaw o djima ka ngalan dha dnamux ni qnabil aji uri o bhngil. Sapah saw nii ga meuxul misan ni mtleetu rbagan, gnutu dha qnabil meiluq rqling sida qhuni ga mdngu do hglqun dha mtahu, nasi wada meelih ka qhuni qnabil do malan dha meiluq qhuni paah baraw qnabil. Sapah Truku sbiyaw o kmari yaa bi smka tnxalan rbqan tuma dxgal, kiya ka saan mtaqi kingal ruwan sapah,pmkayan,ini salu daka ka Truku sbiyaw, kiya ka kiya ni smmalu rpun,biyi rudux ni biyi babuy uri,saw nii knkla dha smmalu sapah ka rudan ta Truku sbiyaw.

Niqan kingal ka uyas smdamat alang nniqan 有一首懷念故鄉部落的歌謠

“Ga gaing bi kska suyang ayug, kiya ka alang mu saw smdamat. Tglihug muda rnaaw ni ayug gaga, elug bilaq dgiyaq o ga mtqiri hiya uri. powda dowriq ka tama qmita alang saw smdamat, liwaq msa rdax rusuq dowriq o ga htnay ska dowriq na”

pnyahan kari

資料來源: 口述耆老Iyuq Ciyang, Iyang Taying 2015