Mqedin mngangah

Pnyahan Wikipidiya

Mqedin mngangah (愚笨的女人)[smmalu patas | ida npatas sspgan ka smmalu patas]

Niqan kingan kari rudan cubeyo. Kari nii rumengo dungus mangal camac cubeyo. Mesa ka kari rudan: niqan kingal mqedin cbeyo, yaani mngangah duri. Wada ini thei Gaya manganl camac ka cubeyo. Kiya ka paru riyung ka bqerus seediq mosa magal camac dehuk saya mesa.

Mesa ka kari nii, cbeyo sa, mkmekan camac wawa de, ini osa dgiyaq sa, ma ini so snbqerus tmering mosa mangan camac si, ma ini so lmngelung miicu mangan luqah ka mosa tmalang dgiyaq hiya. Meyah naq alang ka camac si.

Cbeyo se, mkmekan wawa camac de, asi osa ssiyo alang, ma quri dgiyaq lmawa“Bic! Bic! Bic!” mesa si de, ini kupiya patis tkei se, meyah berah ka camac denu mesa. Kiya ka mangan yaani teru hari uban hei na de, knbaka denu mesa. Ngalan daha uban kiya psaan daha liwas anaq mmaanu, so kusun de asi stenge kana liwas ka wawa camac hiya denu si, kiya ka mangan mnenaq truma hiya ka ppqun daha ka cbeyo si. Ini bale osa snbqerus tmalang dgiyaq ka rseno ka cbeyo mesa.

Kingal ali, menaq ka kingal mqedil meyah mkmangal wawa camac si.“Bic! Bic! Bic!” mesa lmawa.

Meyah ka camac si ma. Ye ini mktmara ka lnlungan na ka mqedil kiya, maanu ka asi angal yayu kmeruc hei na camac ka mqedil nii si, knnarux bale ka camac lmengac rmengo si“ Masu asi kreti ka hei mu di! mesa ka camac si. Mqedinl mngangah mesa: ’maha so bqerus tmmering bale ka rseno sapah namu mosa dgiya hiya. ’mesa rmengo di se, ma kibale Utux ka wada tsseyung bale uka qtaan ka camac nii si.”

Kiya ka mesa ka rudan alang.“Ye mqedin nii ka wada smelaq Gaya snalu na, ye Utux ho!” Kiya ka so smbqerus bale ka mosa dgiyaq kana ka seediq di. Uxe so clokah ka lnlungal mosa mangal camac nii wa! Tmalang bobo btunux ma, moda truma sekuy duri, daan su kmaguh pkaruh baga ka brhengil, ani naq mangal luqah ka baga dah aka papak su qlung su naq daan truma hiya, ani inu ka daan su. Kiya so smoora hari cbeyo ini osa tmlenga, maduk, ma phuling, asi seyung niqan wawa camac puqun ka tnsapah ka rudan saya.

Pnyahan pnataas(參考資料)[smmalu patas | ida npatas sspgan ka smmalu patas]

曾瑞琳,1994,《賽德克族神話故事》,南投:南投縣天主教山地服務研究社。

許端容,2007,《台灣花蓮賽德克族民間故事》,臺北:中國口傳文學學會。