Mqdunuq, mkeiyax

Pnyahan Wikipidiya

mqdunuq, mkeiyax 惡死

Rudan Truku sbiyaw o ini bi pndka qnita dh aka quri mhuqil,kiya o malu hngqilan aji uir o mqdunuq/mkeiyax, Pusu na ka 2 kari mqdunuq ni mkeiyax nii o naqih hnqilan aji uri o hmut mhuqil iyiyx.

mkeiyax 意外死亡[smmalu patas | ida npatas sspgan ka smmalu patas]

kiya o aji mnhuqil sapah hmut mnhuqil ngangut ksun. Saw nii mhuqil ka seejiq o naqih nuda rudan dha ni smeeliq gaya,kika muda saw nii mqdunuq mhuqil msa ka Truku sbiyaw. Kiya ka kiya ni ini ksa rmngaw dhiya nii o mha maanaqih utux, mkeiyax nii ida mnda rnuba taxa ka nii. Manu saw kiya dosbiyaw balay ga nasi niqan ka seejiq musa tmsamat mkeiyax mhuqil, tgkingalqmnita bqrus hiyi n aka seejiq o asi hurrah lukus embulang hmici qmada lukus ni miyah sapah, mkla saw nii wada mkeiyax mhuqil kingal hiyi dhaini dha dsi sapah ka bqrus mnhuqil, asi dha rbngi hiya.

mqdunuq 惡死[smmalu patas | ida npatas sspgan ka smmalu patas]

Manu bi pusu na ka mqdunuq ni ,kiya o ungat seejiq kmlawa kiyig na wada csdamat mhuqil ka seejiq. Quri Truku ka malu hnqilan o aji wana mhuqil sapah nanak,pusu bi o empstuq balay siida niqan seejiq ruwan sapah ka dmuuy utux baga na,kmlawa hiya bitaq bi mstuq hana tgliwax paah hiya.  Kika utux niya o aji bslhbun musa da. Nasi emphuqil bi siida ungat ana kingal hiyi ka mniq kiyig na dmuuy baga na wada mstuq, utux na ga ida mha msa qnada dha msaang bi wada mhuqil. Utux niya o mniq llingay sapah na aji mha thiyaq balay,aji uri o meadas kingal hiyi ruwan sapahtqnayun musa. Saw nii saang o paah dqras na klaan bi q,mita, aji uri o rmiqaw dowriq, aji uri o mhuqil siida myguoun, saw nii o ida mha niqan duri mgqraqil ka sapah nii, ana asi seuda smapuh o ida ini tklai ka saw nii. Manu saw kiya do nasi niqan kingalhiyi wada saw nii mqdunuqga asi dha hcii malax ka sapah nii ni musa kmburah smmalu sapah isil duri.

pnyahan kari[smmalu patas | ida npatas sspgan ka smmalu patas]

資料來源: 口述耆老Iyuq Ciyang, Iyang Taying 2015