Tpelaq

Pnyahan Wikipidiya
(Wada brahan dmudul paah Mawas)

Tpelaq/ Mawas/ Mangas(裡白葉薯榔)[smmalu patas | ida npatas sspgan ka smmalu patas]

Hei wahil ka tpelaq nii, so hari hnyegan na balung ma bbaro qtaan, rudan waso na de, so hari bale qrakil na dapa ka qqtaan. Kriyun parih ka bunga na.

File:裏白葉薯榔-蒴果.jpg-Heyi Tpelaq.

  Mosa lmiqu rseno, netun niqan tpelaq ka eluw ndaan daha ge, kriyun na bubu bunga tpelaq ma desuns daha sapah.

  Mqedil ta ita Seediq, snagun daha bubu na bunga han, qlitan daha rehak ma tteun daha sbbiciq, nmeun daha posa tmekan duhung hiya, sgimax na ware ma nemu beyuq na bubu bunga tpelaq nii, kiya kesun daha rmebu ware ka nii. Niqan dungan, psaan ribo ma supun daha hmangc tnteyan na bubu bunga tpelaq ka ware nii duri, kiya kesun daha hmanguc ware. Rnbegan daha bubu bunga tpelaq ka waer nii de, mgtanah ka rako na. So ka ware na de, mknedux bbilun ma, ini hari hriqi qsiya, ini hari ksburo ma ini puqi kui dhenu.