Mao/ mqri/ mqri山胡椒

Mqri nii ga malu bi dmatun mkan nhapuy rudan sbiyaw, yaasa kingal nanaq sknxan, ini ksburaw sqamas qsurux ni wawa uri. Kiya ni ana bitaq sayang o spruun bi qmita klealang ni gmaxun dha mhapuy uuqun, brigun balay pnaah eseisil alang sejiqun uri. Ida wada niqan bi hangan na uuqun sayang ka mqri nii. 　　Mqri ga mhru nanaq lmiqu, yabi idas dha dhuq idas tru do tmphpah da. Embhgay qtaan ka phpah na, ida teura bi qtaan emptsamac dsnaw. Rbagan do mghiyi da, plealay han o mgpajiq ni mquru ka hiyi na, mhada do mqalux da. Kuxul bi uqun dqduda ka hiyi na, kiya ni emptsamac dsnaw o skraki dha tkurih dqduda…. ka mqri. Ida tduwa asi qluqi mkan uxay uri o gmaxun mhapuy bgu rudux, buuc babuy…. Kingal nanaq mahun ka bgu na, pixan na kana ka naqih sknxan hngak uuqun. Klmuun uri gmaxun qmamas sinaw, kana ka lmlamu saw cyang dnii, dmatun mkan lmlamu uuqun sayang. 　　山胡椒是我們先祖最佳的食物，由於「它」有特殊的味道，可醃漬魚、肉且具防腐之效，所以直到現在各部落族人都會摻入它來烹煮提味，甚至賣給其他部落的人，它已躍身成為具民族特色之調味品了。 　　山胡椒是野生的漿果，大約二～三月開白花，夏天就會結果子，起初開圓圓、綠綠的果實，成熟會變黑色的，在山上很明顯地會被族人瞧見。 　　果實可生吃或作為烹煮時的香料，譬如跟雞肉、豬骨、獸肉等等一起煮湯，具有獨特風味，並可去除腥味。磨碎亦可與醬、酒醃製作沾料用。 �