Lubuy Maduk-Truku(獵人袋)

Sbiyaw musa ta maduk o asi ka niqan lubuy maduk kika niqan ka snbu ta. Lubuy kiya o bnarig kingal babuy. Kska lubuy hiya o niqan kari djiyun maduk. Pawsa ta dangal siida o rmngaw ta kari maduk ni kika empdhuq ta mangal samac/samat. Nasi ta ini adas lubuy nii do uxay/aji ta empdhuq mangal samac/samat da. Lubuy nii o niqan birac/birat, muhing, ubal ni bilaq ngungu. Mangal ta bilaq ngungu ni birac/birat samac/samat psaun ta ska lubuy. Mtduwa ta sbrigun ka lubuy nii. Nii o kika lubuy maduk ksun ta. Nasi ta ini adas lubuy nii do o mawsa maduk ga uxay/aji ta meangal samac/samat uri. Lubuy nii o bnarig. Duma na ka seejiq o pryuhun dha kingal tunux babuy, spuun hiya ka kari maduk uri. Nii o kika lubuy maduk ksun rudan ta. Saw ka lubuy kiya o snalu qraqil. Smluun dha bilaq balay lubuy. Dhiya o pqyaun dha ska rpun. Ini tduwa pqyaun sapah ni babaw tahuc/tahut. Ini tduwa tlngun laqi ni kana seejiq ruwan sapah. Lubuy kiya uri o ini tduwa tlngun qrijil/kuyuh. Yasa gaya balay ka saw ni. Dhuq marig lubuy ka seejiq o uxay/aji mslxan. Asi ka niqan egu/lala balay pila na. Asi ka pmahun na sinaw ka tnpusu sapah. Duri ni smalu uqun peekan na tnpusu sapah. smbarig siida o ini tduwa pkla seejiq. Saw ni ka smbbarig lubuy maduk