Lubuy-tabuk

Pnyahan Wikipidiya

Lubuy-tabuk(獵人袋)[smmalu patas | ida npatas sspgan ka smmalu patas]

Cbeyo, musa lmiqu ka rseno Seediq, mangal lubuy-tabuk, dsdesun daha musa lmiqu. kiya si maha maangal camac mesa.

Niqan dungan, ssaan daha mbahang uyas sisil, pnsepi, qmita puniq tahuc, pbleyaq hei..., nii kana gaya ka musa lmiqu. Lubuy-tabuk nii ge, dsdesun daha, meniq snbeyax, pkmalu ndaan. Ki nii ka gaya ta ita Seediq musa lmiqu. Ini kmhemuc smipaq pnhuqil ccamac.

Kesun lubuy-tabuk nii, snkraya na rseno Seediq ba bale kiya. Snais qraqin miric, rqenux ma so pada. Psaan toma na ka pnkraman nngalan na ngungu boyak, daha ka geluq tikung; mntena ba walu qtaan, biciq ma qalux. Asi naq mquri hreyan hido ka rudu ngalan ka geluq rudu kiya.

Dnngeyan daha ka psaun lubuy-tabuk hiya. Ngalan daha paru ka mangal boyak nii. Kana so ddaun, spooda gaya, qulung psdara babuy. Dungus na nii, pldaxan na kndesan, ptbale, ma pggaalu, pssruwa meniq bobo dheran nii. Kiya ka psltulun ta ka gaya Seediq nii.