Lubug hnici rudan Truku

lubug qawqaw (口簧琴)

Lubug qawqaw nii o tgkingal lubug Truku sbiyaw, snalu dha qawgan aji uri o rqling djimaq. Risaw ni wauwa Truku lmubug lubug nii empprngaw mskuxul. Niqan psmiyan, niqan qrasan o rmgrig ni lmubug ka rudan Truku sbiyaw.

tatuk (木琴)

Tatuk o tgdha lubug Truku sbiyaw uri, spat bi ka hnang na 2,3.5.6.sngqrian dha q1huni sangas,prihut,qulit,byugu,plux, bruqil ni dgarung. Asi ka mdngu o kika mtduwa smluun tatuk, kika ka malu bi hnang na lmubug tatuk siida, mdka lubug qawqaw niqan smiyan o dmuuy tatuk tmatuk uyas rudan Truku sbiyaw,

pgagu mdkrang (馘首笛)

Pgagu mdkrang o djiyun rudan Truku sbiyaw, snalu djima, gaya Truku o ini tduwa hmtun dmuuy miyuk ka pgagu mdkrang nii, asi ka mnsa mdkrang mangal tunux pais miyah sapah ka snaw o miyuk pgagu mdkrang, kingal hnang o kingal tunux pais, nasi dha hnang o dha ka tunux pais nngalan dha uri. Niqan smiyan daan mqaras o ini tduwa seiyuk mdmuuy ka pgagu mdkrang nii.

lubug qnawal (弦琴)

Lubug qnawal nii o spat ka qnawal, kiya ka kiya ni aji kana Truku ka mkla lmubug lubug qnawal nii, smiyan ni niqan daan mqaras o lmubug uri. Smnalu ku msa rmngaw ka kingal rudan Truku Yudaw Pisaw ka hanga na , 85 hkwasan na sayang kiya da.

pnyahan kari

• 金清山. (2011). Wikipedia 維基百科 族語詞條試寫─原住民族語詞條 2011作品集. 教育部.